മഞ്ചേശ്വരം: യുവതിയെ ശല്യം ചെയ്തെന്ന പരാതിയില് യുവാവിനെ മഞ്ചേശ്വരം പൊലീസ് അറസ്റ്റ് ചെയ്തു. ഹൊസങ്കടി കനില ബഡാജെയിലെ ഉമറുൽ ഫാറൂഖാണ് (28) അറസ്റ്റിലായത്. വെള്ളിയാഴ്ച വൈകീട്ട് ഏഴുമണിയോടെയാണ് കേസിനാസ്പദമായ സംഭവം. ബായാര് ധര്മടയില് ബസിറങ്ങി വീട്ടിലേക്ക് നടന്നുപോവുകയായിരുന്ന യുവതിക്കുനേരെ ഇയാൾ അശ്ലീല ചേഷ്ട കാണിച്ചുവെന്നാണ് പരാതി. യുവതി ബഹളം വെച്ചതിനെ തുടര്ന്ന് ഓടിക്കൂടിയ നാട്ടുകാര് യുവാവിനെ പിടികൂടി കൈകാര്യം ചെയ്ത ശേഷം പൊലീസിന് കൈമാറുകയായിരുന്നു. യുവാവിന് മാനസിക വിഭ്രാന്തിയുള്ളതായി മഞ്ചേശ്വരം പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.