പെരിങ്ങത്തൂർ: പെരിങ്ങത്തൂർ ടൗൺ മധ്യത്തിലുള്ള വൻമരം കടപുഴകി. ഇരുപതിലധികം വൈദ്യുതിത്തൂണുകൾ തകരുകയും ബസ് ഷെൽട്ടറിനും നിരവധി കടകൾക്കും നാശം നേരിടുകയും ചെയ്തു. ചൊവ്വാഴ്ച പുലർച്ചെ ഒന്നേകാലോടെയാണ് സംഭവം. അപകടാവസ്ഥയിലായ മരം മുറിച്ചുമാറ്റണമെന്ന് നിരവധി തവണ ആവശ്യപ്പെട്ടിട്ടും ബന്ധപ്പെട്ടവർ നടപടിയെടുത്തിരുന്നില്ല. ടൗണിൽ അപകടാവസ്ഥയിലായ വൻമരങ്ങൾ ഇനിയുമുണ്ട്. പുലർച്ചെ വീണതിനാൽ വൻ ദുരന്തമാണ് ഒഴിവായത്. മരം വീണതിനെ തുടർന്ന് പെരിങ്ങത്തൂർ വഴിയുള്ള സംസ്ഥാനപാതയിൽ ഏറെ സമയം ഗതാഗതം നിലച്ചു. വാഹനങ്ങൾ മേക്കുന്നിൽനിന്ന് ചൊക്ലി പൊലീസ് തിരിച്ചുവിട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.