തൊടുപുഴ: പ്രായപൂര്ത്തിയാകാത്ത പെണ്കുട്ടിയെ ബലാത്സംഗം ചെയ്ത കേസില് പ്രതിക്ക് ജീവപര്യന്തം കഠിന തടവും ഒരുലക ്ഷം രൂപ പിഴയും ശിക്ഷ. തമിഴ്നാട് വിരുതുനഗര് രാജപാളയം താലവായ്പുരം മുരുകനെയാണ് (35) തൊടുപുഴ പോക്സോ കോടതി ജഡ്ജി കെ. അനില്കുമാര് ശിക്ഷിച്ചത്. പിഴ ഒടുക്കിയില്ലെങ്കില് ഒരു വര്ഷംകൂടി കഠിനതടവ് അനുഭവിക്കണം. 2014 മേയ് 25നാണ് കേസിനാസ്പദമായ സംഭവം. കടയില്നിന്ന് സാധനങ്ങള് വാങ്ങി വീട്ടിലേക്ക് മടങ്ങിയ 16കാരിയെ പ്രതി ബലമായി വലിച്ചുകൊണ്ടുപോയി പീഡിപ്പിക്കുകയായിരുന്നു. പിഴ പെണ്കുട്ടിക്ക് നഷ്ടപരിഹാരമായി നല്കാനും കോടതി ഉത്തരവിട്ടു. പെണ്കുട്ടിയുടെ പുനരധിവാസത്തിന് ജില്ല ലീഗല് സര്വിസ് അതോറിറ്റിയോട് ശിപാര്ശ ചെയ്തിട്ടുണ്ട്. പ്രോസിക്യൂഷന് വേണ്ടി സ്പെഷൽ പബ്ലിക് പ്രോസിക്യൂട്ടര് അഡ്വ. പി.ബി. വാഹിദ ഹാജരായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.