അടിയന്തരാവസ്ഥ: ഭീതിയും നടുക്കവും മാറാതെ മൊയ്തീൻ കുട്ടിയും ഹരിദാസനും

ഓ​മ​ശ്ശേ​രി: അ​ടി​യ​ന്തി​രാ​വ​സ്ഥ പ്ര​ഖ്യാ​പ​ന​ത്തി​ന്റെ സു​വ​ർ​ണ ജൂ​ബി​ലി​യി​ലെ​ത്തു​മ്പോ​ൾ അ​ന്ന​ത്തെ ഭീ​തി​ജ​ന​ക​മാ​യ അ​നു​ഭ​വ​ങ്ങ​ൾ ഓ​ർ​മി​ക്കു​ക​യാ​ണ് ഓ​മ​ശ്ശേ​രി​ക്കാ​രാ​യ എ. ​മൊ​യ്തീ​ൻ​കു​ട്ടി മൗ​ല​വി​യും ഇ​ള​മ​ന ഹ​രി​ദാ​സും. 1975 ജൂ​ൺ 25ന് ​അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ച ദി​വ​സം രാ​ത്രി പ​തി​വു​പോ​ലെ ഓ​മ​ശ്ശേ​രി​യി​ലെ ആ​മ്പ്ര ത​റ​വാ​ടു വീ​ട്ടി​ൽ ഉ​റ​ങ്ങാ​ൻ കി​ട​ന്ന​താ​യി​രു​ന്നു മൊ​യ്തീ​ൻ കു​ട്ടി മൗ​ല​വി.

രാ​ത്രി പ​തി​നൊ​ന്നോ​ടെ ര​ണ്ട് പൊ​ലീ​സു​കാ​ർ വ​ന്നു കോ​ലാ​യി​ൽ കി​ട​ന്നു​റ​ങ്ങു​ന്ന പി​താ​വി​നെ വി​ളി​ച്ചു​ണ​ർ​ത്തി. മൊ​യ്തീ​ൻ കു​ട്ടി മൗ​ല​വി​യെ എ​സ്.​ഐ​ക്കു കാ​ണ​ണ​മെ​ന്നും അ​തി​നു താ​മ​ര​ശ്ശേ​രി സ്റ്റേ​ഷ​ൻ വ​രെ വ​ര​ണ​മെ​ന്നും ആ​വ​ശ്യ​പ്പെ​ട്ടു.

പു​റ​ത്തി​റ​ങ്ങി​യ​പ്പോ​ൾ വീ​ടി​ന്റെ പി​ൻ​വാ​തി​ലി​ലും വ​ഴി​ക​ളി​ലു​മെ​ല്ലാം തോ​ക്ക് ധാ​രി​ക​ളാ​യ പൊ​ലീ​സു​കാ​രാ​യി​രു​ന്നു. ടൗ​ണി​ൽ നി​ർ​ത്തി​യി​ട്ട പൊ​ലീ​സ് ബ​സി​ൽ ക​യ​റ്റി താ​മ​ര​ശ്ശേ​രി​യി​ലേ​ക്കാ​ണ് പി​ന്നീ​ട് കൊ​ണ്ടു​പോ​യ​ത്. കൊ​ടു​വ​ള്ളി​യി​ലെ ആ​ർ.​സി. മൊ​യ്തീ​നും സ്റ്റേ​ഷ​നി​ൽ ഉ​ണ്ടാ​യി​രു​ന്നു.

സൗ​ഹാ​ർ​ദ്ദ​ത്തി​ലാ​ണ് പൊ​ലീ​സു​കാ​ർ പെ​രു​മാ​റി​യ​ത്. മു​ക​ളി​ൽ നി​ന്നു​ള്ള നി​ർ​ദേ​ശ​ത്തി​ന്റെ അ​ടി​സ്ഥാ​ന​ത്തി​ലാ​ണ് വി​ളി​പ്പെ​ച്ച​തെ​ന്നാ​യി​രു​ന്നു എ​സ്.​ഐ പ​റ​ഞ്ഞ​ത്. പി​റ്റേ ദി​വ​സം ഇ​രു​വ​രെ​യും കോ​ഴി​ക്കോ​ട് മാ​നാ​ഞ്ചി​റ​ക്ക​ടു​ത്ത സ്റ്റേ​ഷ​നി​ലേ​ക്കു കൊ​ണ്ടു​പോ​യി. അ​വി​ടെ എ​ത്തി​യ​പ്പോ​ഴാ​ണ് അ​റ​സ്റ്റി​ന്റെ കാ​ര​ണ​മ​റി​ഞ്ഞ​ത്. അ​ന്ന് നി​രോ​ധി​ത സം​ഘ​ട​ന​യാ​യി​രു​ന്ന ജ​മാ​അ​ത്തെ ഇ​സ്‌​ലാ​മി​യി​ൽ പ്ര​വ​ർ​ത്തി​ക്കു​ന്നു എ​ന്ന​താ​യി​രു​ന്നു അ​റ​സ്റ്റി​നു കാ​ര​ണ​മാ​യ കു​റ്റം.

കോ​ഴി​ക്കോ​ട് സ്റ്റേ​ഷ​നി​ൽ അ​ന്ന​ത്തെ ജ​മാ​അ​ത്ത് ഇ​സ്‍ലാ​മി അ​മീ​ർ കെ.​സി. അ​ബ്ദു​ല്ല മൗ​ല​വി, നേ​താ​ക്ക​ളാ​യ ടി.​കെ. അ​ബ്ദു​ല്ല മൗ​ല​വി, കെ.​എ​ൻ. അ​ബ്ദു​ല്ല മൗ​ല​വി, ഭൂ​പ​തി അ​ബൂ​ബ​ക്ക​ർ ഹാ​ജി, ല​ക്കി ഹാ​ജി തു​ട​ങ്ങി 28 ഓ​ളം പേ​ർ ഉ​ണ്ടാ​യി​രു​ന്നു. കോ​ട​തി​യി​ൽ ഹാ​ജ​രാ​ക്കി​യ സം​ഘ​ത്തെ കോ​ട​തി ര​ണ്ടു ത​വ​ണ​ക​ളി​ലാ​യി നാ​ലാ​ഴ്ച​ത്തേ​ക്കു റി​മാ​ൻ​ഡ് ചെ​യ്തു.

അ​ങ്ങ​നെ ഒ​രു മാ​സ​ത്തോ​ളം കോ​ഴി​ക്കോ​ട് ജ​യി​ലി​ൽ ക​ഴി​ഞ്ഞു. രാ​ഷ്ട്രീ​യ ത​ട​വാ​യ​തി​നാ​ൽ ഇ​ഷ്ട​മു​ള്ള വ​സ്ത്രം ധ​രി​ക്കാ​ൻ അ​നു​വാ​ദ​മു​ണ്ടാ​യി​രു​ന്നു. ആ​റു പേ​രു​ടെ സെ​ല്ലി​ൽ എ​ല്ലാ​വ​രും അ​റി​യു​ന്ന​വ​രാ​യി​രു​ന്നു. നി​ല​ത്തു ക​ട്ടി​യു​ള്ള തു​ണി​യി​ലാ​യി​രു​ന്നു കി​ട​ത്തം.

രാ​വി​ലെ കു​ടി​ക്കാ​ൻ മ​ല്ലി വെ​ള്ളം, ച​പ്പാ​ത്തി, ച​മ്മ​ന്തി, ഉ​ച്ച​ക്ക് മു​മ്പ് ക​ഞ്ഞി വെ​ള്ളം, ചോ​റ്, പ​ച്ച​ക്ക​റി, മീ​ൻ, ഇ​റ​ച്ചി തു​ട​ങ്ങി​യ ക​റി​ക​ൾ അ​ട​ങ്ങി​യ​വ​യാ​യി​രു​ന്നു ഭ​ക്ഷ​ണം. ഓ​രോ​രു​ത്ത​ർ​ക്കും പ്ലെ​യ്റ്റ്, വെ​ള്ളം കു​ടി​ക്കാ​ൻ മോ​ന്ത എ​ന്നി​വ ഉ​ണ്ടാ​യി​രു​ന്നു. ജ​യി​ലി​ൽ ഖു​ർ​ആ​ൻ ക്ലാ​സ് ഉ​ൾ​പ്പ​ടെ ന​ട​ന്നി​രു​ന്നു. പ്രാ​ർ​ഥ​നാ സൗ​ക​ര്യം ഉ​ണ്ടാ​യി​രു​ന്നു. വെ​ള്ളി​യാ​ഴ്ച ഇ​മാ​മെ​ത്തി ജു​മാ പ്രാ​ർ​ഥ​ന ന​ട​ക്കും.

എ​ന്നാ​ൽ, ര​ണ്ടു പേ​രെ ചേ​ർ​ത്ത് വി​ല​ങ്ങ​ണി​യി​ച്ചാ​യി​രു​ന്നു കോ​ട​തി​യി​ലും മ​റ്റും ഹാ​ജ​രാ​ക്കി​യ​ത്. ര​ണ്ടു ത​വ​ണ ജാ​മ്യാ​പേ​ക്ഷ ത​ള്ളി. മൂ​ന്നാം ത​വ​ണ​യാ​ണ് ജാ​മ്യം അ​നു​വ​ദി​ച്ച​ത്. സ്വാ​ത​ന്ത്ര്യ​ത്തി​ന്റെ വി​ല​യ​റി​ഞ്ഞ നാ​ളു​ക​ളാ​യി​രു​ന്നു ജ​യി​ൽ വാ​സ​മെ​ന്നും മൊ​യ്തീ​ൻ കു​ട്ടി മൗ​ല​വി പ​റ​ഞ്ഞു.

..............................................................................................

20-ാം വ​യ​സ്സി​ൽ പ്രീ​ഡി​ഗ്രി പ​ഠ​നം ക​ഴി​ഞ്ഞി​രി​ക്കു​മ്പോ​ഴാ​ണ് സോ​ഷ്യ​ലി​സ്റ്റ് പാ​ർ​ട്ടി പ്ര​വ​ർ​ത്ത​ക​നാ​യ കാ​തി​യോ​ട് എ​ള​മ​ന ഹ​രി​ദാ​സ​ൻ അ​ടി​യ​ന്ത​രാ​വ​സ്ഥ ക്കെ​തി​രെ പ്ര​തി​ഷേ​ധി​ക്കാ​ൻ കു​ന്ദ​മം​ഗ​ലം പോ​സ്റ്റ് ഓ​ഫി​സി​നു മു​ന്നി​ൽ നേ​താ​ക്ക​ൾ​ക്കൊ​പ്പം എ​ത്തി​യ​ത്. ക​ല്ലു​രു​ട്ടി​യി​ലെ കോ​ക്കാ​പ്പ​ള്ളി പാ​പ്പ​ച്ച​ൻ, ചാ​ത്ത​മം​ഗ​ല​ത്തെ ശ​ങ്ക​ര​ൻ നാ​യ​ർ, സു​ന്ദ​ര​ൻ, സ​ദാ​ന​ന്ദ​ൻ, മാ​വൂ​രി​ലെ കെ.​ജി. ബാ​ബു എ​ന്നീ മു​തി​ർ​ന്ന പ്ര​വ​ർ​ത്ത​ക​രോ​ടൊ​പ്പ​മാ​യി​രു​ന്നു പോ​ലീ​സ് അ​റ​സ്റ്റ് ചെ​യ്ത​ത്.

സ​മ​ര​ക്കാ​ർ​ക്കു സ്റ്റേ​ഷ​നി​ൽ കൊ​ടി​യ മ​ർ​ദ​ന​മാ​ണ് ഏ​റ്റ​ത്. ആ​രോ​ഗ്യ​വാ​നാ​യ പാ​പ്പ​ച്ച​നെ എ​ട്ടോ​ളം പൊ​ലീ​സു​കാ​ർ ചേ​ർ​ന്നു മ​ർ​ദ്ദി​ച്ച​ത് ഓ​ർ​ക്കു​മ്പോ​ൾ ഇ​പ്പോ​ഴും ന​ടു​ക്കം തോ​ന്നു​ന്നു. റി​മാ​ൻ​ഡ് ചെ​യ്ത​തി​നെ തു​ട​ർ​ന്ന് കോ​ഴി​ക്കോ​ട് ജ​യി​ലി​ൽ കി​ട​ന്നു. 1975 ആ​ഗ​സ്റ്റ് എ​ട്ടി​നാ​യി​രു​ന്നു അ​റ​സ്റ്റ്. തി​രു​വോ​ണ ദി​വ​സം ജ​യി​ലി​ലാ​യി​രു​ന്നു.

ജ​യി​ലി​ൽ രാ​ഷ്ട്രീ​യ ത​ട​വു​കാ​രാ​യി എ​ത്തി​യ​വ​രി​ൽ പ​ല​രു​മാ​യും ആ ​ബ​ന്ധം ഇ​പ്പോ​ഴും നി​ല​നി​ൽ​ക്കു​ന്നു. പി​ന്നീ​ടു​ള്ള പൊ​തു ജീ​വി​ത​ത്തി​നു തു​ണ​യാ​യ​ത് അ​ന്ന​ത്തെ ജ​യി​ല​നു​ഭ​വ​മാ​ണെ​ന്നു ഹ​രി​ദാ​സ​ൻ പ​റ​ഞ്ഞു.