പിരിയാൻ വയ്യെന്ന്​ ബത്ഹയോട്​ അബ്​ദുക്ക; 32 വ​ർ​ഷ​ത്തെ പ്ര​വാ​സ​ത്തി​ന് വി​ട

റി​യാ​ദ്: ലോ​ക​ത്തി​​ന്‍റെ നാ​നാ​ഭാ​ഗ​ത്തു​നി​ന്നെ​ത്തി​യ ല​ക്ഷ​ക്ക​ണ​ക്കി​ന് പ്ര​വാ​സി​ക​ൾ​ക്ക്​ പ്രി​യ​ങ്ക​ര​മാ​യി തീ​ർ​ന്ന ബ​ത്ഹ​യി​ൽ ക​ഴി​ഞ്ഞ മൂ​ന്ന്​ പ​തി​റ്റാ​ണ്ട്​ രാ​വും പ​ക​ലും ജീ​വി​തം ചെ​ല​വി​ട്ട​യാ​ളാ​ണ്​ അ​ബ്​​ദു​ക്ക. ഈ ​സ​ഹ​വാ​സം കൊ​ണ്ട്​ ബ​ത്​​ഹ​യു​ടെ കാ​മു​ക​നാ​യി മാ​റു​ക​യാ​യി​രു​ന്നു മ​ല​പ്പു​റം വാ​ഴ​ക്കാ​ട്ട് നി​ന്ന്​ ജീ​വി​തം തി​ര​ഞ്ഞു​വ​ന്ന അ​ബ്​​ദു. അ​തു​കൊ​ണ്ടാ​ണ്​ 75-ാം വ​യ​സ്സി​ൽ പ്ര​വാ​സ​ത്തോ​ട്​ വി​ട​പ​റ​യേ​ണ്ടി​വ​രു​േ​മ്പാ​ഴും ഉ​ള്ളി​ലി​രു​ന്ന്​ ആ ​കാ​മു​ക​ൻ പി​രി​യാ​ൻ വ​യ്യെ​ന്ന്​ മ​ന്ത്രി​ക്കു​ന്ന​ത്.

32 വ​ർ​ഷം പി​ന്നി​ട്ട പ്ര​വാ​സ​ത്തി​​ലെ 27 വ​ർ​ഷ​വും ചെ​ല​വി​ട്ട​ത് ബ​ത്ഹ​യി​ലാ​ണ്. ജോ​ലി​യും ഉ​റ​ക്ക​വു​മെ​ല്ലാം ബ​ത്ഹ​യു​ടെ ഹൃ​ദ​യ​ഭാ​ഗ​ത്ത്​ ത​ന്നെ​യാ​യി​രു​ന്നു. പ്ര​വാ​സം അ​വ​സാ​നി​പ്പി​ച്ച് നാ​ട്ടി​ലേ​ക്ക് മ​ട​ങ്ങു​മ്പോ​ൾ ബ​ത്ഹ ന​ഗ​ര​ത്തെ പി​രി​യാ​നെ പ​റ്റു​ന്നി​ല്ലെ​ന്ന്​ അ​ബ്​​ദു​ക്ക പ​റ​യു​ന്നു. ബ​ത്​​ഹ കേ​ര​ള മാ​ർ​ക്ക​റ്റി​ലെ സ​ഫ മ​ക്ക പോ​ളി​ക്ലി​നി​ക്കി​​ന്‍റെ ക​വാ​ട​ത്തി​ൽ രോ​ഗാ​തു​ര​രാ​യി എ​ത്തു​ന്ന​വ​ർ​ക്ക്​ വ​ഴി​കാ​ട്ടു​ക​യാ​യി​രു​ന്നു അ​ബ്​​ദു​ക്ക​യു​ടെ ജോ​ലി. ആ​വ​ശ്യ​ക്കാ​രെ വ​ര​വേ​ൽ​ക്കാ​ൻ നി​ൽ​ക്കു​ന്ന അ​ദ്ദേ​ഹ​ത്തി​ന്‍റെ ചി​രി സു​പ​രി​ചി​ത​മാ​ണ് റി​യാ​ദി​ലെ പ്ര​വാ​സി സ​മൂ​ഹ​ത്തി​ന്.

1993-ലാ​ണ് സൗ​ദി​യി​ലെ​ത്തു​ന്ന​ത്. വി​വി​ധ പ്രാ​വ​ശ്യ​ക​ളി​ലും വ്യ​ത്യ​സ്ത സ്ഥാ​പ​ന​ങ്ങ​ളി​ലും ജോ​ലി ചെ​യ്ത് ഒ​ടു​വി​ലെ​ത്തി​യ​ത് സ​ഫ മ​ക്ക പോ​ളി​ക്ലി​നി​ക്കി​ൽ. ബ​ത്ഹ​യു​ടെ ഹൃ​ദ​യ​ഭാ​ഗ​ത്തു​ള്ള സ​ഫ മ​ക്ക​യി​ലെ ജോ​ലി​യാ​ണ് ബ​ത്ഹ​യെ ദൈ​നം ദി​ന ജീ​വി​ത​ത്തി​ൽ ഒ​ഴി​ച്ചു​കൂ​ടാ​നാ​കാ​ത്ത ല​ഹ​രി​യാ​ക്കി​യ​ത്. ക​ട​ലി​ലേ​ക്ക് ചെ​റു പു​ഴ​ക​ൾ ഒ​ഴു​കി​യെ​ത്തു​മ്പോ​ലെ വാ​രാ​ന്ത്യ​ങ്ങ​ളി​ൽ ന​ഗ​ര​ത്തി​െൻറ വി​വി​ധ ചെ​റു​പ​ട്ട​ങ്ങ​ളി​ൽ​നി​ന്ന് ഒ​ഴുകി​യെ​ത്തു​ന്ന വ്യ​ത്യ​സ്ത ദേ​ശ​ക്കാ​രാ​യ മ​നു​ഷ്യ​രെ ഇ​നി കാ​ണാ​നാ​കി​ല്ല. അ​വ​രു​ടെ ക​ല​പി​ല​ക​ളും ട്രാ​ഫി​ക് പൊ​ലീ​സ് വാ​ഹ​ന​ത്തി​ൽ​നി​ന്നു​ള്ള അ​ച്ച​ട​ക്ക ആ​ഹ്വ​ന അ​നൗ​ൺ​സ്മെ​ന്‍റു​ക​ളും ഇ​നി കാ​തു​ക​ൾ ആ​സ്വ​ദി​ക്കി​ല്ലെ​ന്ന ന​ഷ്‌​ട​ബോ​ധം പേ​റു​ന്നു​ണ്ട് തി​രി​ച്ചു​പോ​കു​മ്പോ​ൾ.

പ്ര​വാ​സം സ്വീ​ക​രി​ക്കു​മ്പോ​ൾ നാ​ട് ന​ഷ്ട​പ്പെ​ട്ടെ​ന്നാ​യി​രു​ന്നു ചി​ന്ത, ഇ​പ്പോ​ൾ പ്ര​വാ​സം അ​വ​സാ​നി​പ്പി​ക്കു​മ്പോ​ൾ അ​തി​നേ​ക്കാ​ൾ വ​ലി​യ വി​ര​ഹ​വേ​ദ​ന​യാ​ണ് പേ​റു​ന്ന​തെ​ന്നും അ​ബ്​​ദു​ക്ക ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. ഭാ​ര്യ അ​സ്മാ​ബി, മ​ക്ക​ൾ ഫ​സ്‌​ന, ഫ​സീ​ല എ​ന്നി​വ​ര​ട​ങ്ങി​യ​താ​ണ്​ കു​ടും​ബം. റി​യാ​ദ് ഇ​ന്ത്യ​ൻ മീ​ഡി​യ ഫോ​റം ഓ​ഫീ​സി​െൻറ താ​ക്കോ​ൽ സൂ​ക്ഷി​പ്പും ഓ​ഫി​സി​ൽ എ​ത്തു​ന്ന​വ​ർ​ക്ക് ആ​വ​ശ്യ​മാ​യ സേ​വ​നം ന​ൽ​ക​ലും കൂ​ടി അ​ബ്​​ദു​ക്ക​യു​ടെ ചു​മ​ത​ല​യാ​യി​രു​ന്നു. നീ​ണ്ട കാ​ലം ന​ൽ​കി​യ സേ​വ​ന​ത്തി​െൻറ പ​ശ്ചാ​ത്ത​ല​ത്തി​ൽ മീ​ഡി​യ ഫോ​റം അ​ബ്​​ദു​ക്ക​യ്​​ക്ക്​ യാ​ത്ര​യ​പ്പ് ന​ൽ​കി. ന​ജിം കൊ​ച്ചു​ക​ലു​ങ്ക്, വി.​ജെ. ന​സ​റു​ദീ​ൻ, ജ​യ​ൻ കൊ​ടു​ങ്ങ​ല്ലൂ​ർ, നൗ​ഫ​ൽ പാ​ല​ക്കാ​ട​ൻ, നാ​ദി​ർ​ഷ റ​ഹ്​​മാ​ൻ, മു​ജീ​ബ് ച​ങ്ങ​രം​കു​ളം എ​ന്നി​വ​ർ റിം​ഫി​െൻറ സ​മ്മാ​നം കൈ​മാ​റി. ആ​രോ​ഗ്യ​വും സാ​ഹ​ച​ര്യ​വും അ​നു​വ​ദി​ച്ചാ​ൽ ഓ​ർ​മ​ക​ളു​ടെ ഞ​ര​മ്പു​ക​ൾ പ​ട​ർ​ന്നു​കി​ട​ക്കു​ന്ന ബ​ത്ഹ​യി​ലേ​ക്ക് തി​രി​ച്ചു​വ​ര​ണ​മെ​ന്ന​താ​ണ്​ അ​ബ്​​ദു​ക്ക​യു​ടെ ആ​ഗ്ര​ഹം.