പാലക്കാട്: ചരസുമായി എറണാകുളം സ്വദേശി പാലക്കാട്ട് പിടിയിലായി. കലൂർ സ്വദേശി മുഹമ്മദ് അദീപാണ് (32) പാലക്കാട് ടൗൺ നോർത്ത് പൊലീസും ജില്ല ലഹരിവിരുദ്ധ സ്ക്വാഡും ചേർന്ന് ഒലവക്കോട് റെയിൽവേ സ്റ്റേഷൻ പരിസരത്ത് നടത്തിയ പരിശോധനയിൽ പിടിയിലായത്.
ഇയാളിൽനിന്ന് 100 ഗ്രാം ചരസ് കണ്ടെത്തി. ഹിമാചൽ പ്രദേശിൽനിന്നാണ് ചരസ് എത്തിച്ചതെന്ന് ഇയാൾ മൊഴിനൽകി.
നർകോട്ടിക് സെൽ ഡിവൈ.എസ്.പി എം. അനിൽ കുമാറിന്റെ നേതൃത്വത്തിൽ ടൗൺ എസ്.ഐ വേണുഗോപാൽ, എ.എസ്.ഐ മേരി നാൻസി, ലഹരി വിരുദ്ധ സ്ക്വാഡ് അംഗങ്ങളായ എ.എസ്.ഐ സുനിൽ കുമാർ എന്നിവർ പരിശോധനക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.