തിരുവനന്തപുരം: നിയമം അനുശാസിക്കുന്ന ഏത് അന്വേഷണവുമായും സഹകരിക്കുമെന്ന് ഏഷ്യാനെറ്റ് ന്യൂസ് എക്സി. എഡിറ്റർ സിന്ധു സൂര്യകുമാർ. നാട്ടിൽ പിടിമുറുക്കുന്ന ലഹരി മാഫിയക്കെതിരെ നൽകിയ പരമ്പരയിലെ സ്റ്റോറിക്കെതിരെയാണ് അന്വേഷണം. സർക്കാറിന്റെ പ്രതിച്ഛായ മോശമാക്കാൻ ശ്രമിച്ചുവെന്നതടക്കമുള്ള ആരോപണങ്ങളാണ് എഫ്.ഐ.ആറിലുള്ളത്.
ലഹരി മാഫിയക്കെതിരായ പോരാട്ടം നാടിന്റെ താൽപര്യമാണെന്നും സിന്ധു സൂര്യകുമാർ പ്രസ്താവനയിൽ പറഞ്ഞു. അന്വേഷണം പോലും തുടങ്ങുന്നതിനുമുമ്പ് ഓഫിസിൽ കയറി ഗുണ്ടായിസം നടത്തുന്നത് ജനാധിപത്യ സംസ്കാരത്തിന് ചേർന്നതല്ല. ഭരണകൂടത്തിന്റെ അമിതാധികാരപ്രയോഗം മാധ്യമ സ്വാതന്ത്ര്യത്തിന്മേലുള്ള കടന്നുകയറ്റമാണ്. ഭരണകക്ഷി എം.എൽ.എയുടെ പരാതിയിന്മേലുള്ള തുടർനടപടികളുടെ മിന്നൽവേഗം എടുത്തുപറയേണ്ടതാണ്. സ്വതന്ത്ര മാധ്യമപ്രവർത്തനം ഏഷ്യാനെറ്റ് ന്യൂസ് നേരോടെ നിർഭയം നിരന്തരം തുടരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.