അപവാദ പ്രചരണമെന്ന്; യുവ പ്രസാധകക്ക് വി.ആർ. സുധീഷിന്റെ വക്കീൽ നോട്ടീസ്

കോഴിക്കോട്: സാഹിത്യകാരൻ വി.ആർ സുധീഷിനെതിരെ സാമൂഹ്യമാധ്യമങ്ങളിൽ അപവാദപ്രചചരണം നടത്തിയതിന് യുവ പ്രസാധകക്ക് വക്കീൽ നോട്ടീസ്. തെറ്റായ ആരോപണങ്ങൾ പിൻവലിച്ച് സാമൂഹ്യമാധ്യമങ്ങളിലൂടെ 15 ദിവസത്തിനുള്ളിൽ മാപ്പുപറയണമെന്ന് നോട്ടീസിൽ ആവശ്യപ്പെട്ടു. 25 ലക്ഷം രൂപ മാനനഷ്ടമായി നൽകണമെന്നും അഡ്വക്കേറ്റ് പി. രാജേഷ് കുമാർ മുഖേന നൽകിയ വക്കീൽ നോട്ടീസിൽ വി.ആർ. സുധീഷ് ആവശ്യപ്പെട്ടു. ഈ ആവശ്യങ്ങളും അംഗീകരിച്ചില്ലെങ്കിൽ യുവ പ്രസാധകക്ക് എതിരെ സിവിൽ ആയും ക്രിമിനലായും നിയമനടപടികൾ സ്വീകരിക്കുമെന്ന് വി.ആർ സുധീഷ്. അറിയിച്ചു

നേരത്തെ, വി.​ആ​ർ. സുധീഷ് സ്ത്രീ​ത്വ​ത്തെ അ​പ​മാ​നി​ച്ചുവെന്ന് പു​സ്ത​ക​പ്ര​സാ​ധ​ക​യാ​യ യു​വ​തി​ പൊലീസിൽ പരാതി നൽകിയിരുന്നു. കേസിൽ സു​ധീ​ഷിനെ കോ​ഴി​ക്കോ​ട് വ​നി​ത പൊ​ലീ​സ് അ​റ​സ്റ്റ് ചെ​യ്യുകയും സ്റ്റേ​ഷ​ൻ ജാ​മ്യ​ത്തി​ൽ വി​ട്ട​യ​ക്കുകയും ചെയ്തിരുന്നു.

അ​ഭി​മു​ഖ​ത്തി​നാ​യി വി.​ആ​ർ. സു​ധീ​ഷി​നെ സ​മീ​പി​ച്ച​പ്പോ​ൾ എ​ടു​ത്ത ഫോ​ട്ടോ ത​ന്നെ അ​പ​കീ​ർ​ത്തി​പ്പെ​ടു​ത്തു​ന്ന ത​ര​ത്തി​ൽ സ​മൂ​ഹ​മാ​ധ്യ​മ​ങ്ങ​ൾ വ​ഴി പ്ര​ച​രി​പ്പി​ച്ചു​വെ​ന്നും ഫോ​ണി​ലൂ​ടെ ഭീ​ഷ​ണി​പ്പെ​ടു​ത്തു​ക​യും മോ​ശ​മാ​യി സം​സാ​രി​ക്കു​ക​യും ചെ​യ്തു​വെ​ന്ന് കാ​ണി​ച്ചാ​ണ് യു​വ​തി ​ഡെ​പ്യൂ​ട്ടി ക​മീ​ഷ​ണ​ർ​ക്ക് പ​രാ​തി ന​ൽ​കി​യ​ത്. സു​ധീ​ഷി​നെതിരെ ഫേസ്ബുക്കിൽ വിശദമായ കുറിപ്പും ഇവർ പോസ്റ്റ് ചെയ്തിരുന്നു. ഇതിനുപിന്നാലെയാണ് സുധീഷ് വക്കീൽ നോട്ടീസ് അയച്ചത്.