തിരുവനന്തപുരം: ലോക്സഭ തെരഞ്ഞെടുപ്പില് 85 വയസ്സു പിന്നിട്ട മുതിര്ന്ന വോട്ടര്മാര്ക്കും ഭിന്നശേഷി വിഭാഗക്കാര്ക്കും വീടുകളില്തന്നെ വോട്ട് രേഖപ്പെടുത്താനുള്ള സംവിധാനത്തിലെ പരാതികളും ആശങ്കകളും പരിഹരിക്കണമെന്ന് ആവശ്യപ്പെട്ട് പ്രതിപക്ഷ നേതാവ് വി.ഡി. സതീശന് മുഖ്യതെരഞ്ഞെടുപ്പ് ഓഫിസര് സഞ്ജയ് കൗളിന് കത്ത് നല്കി. വീട്ടില് വോട്ടു ചെയ്യുന്നവരുടെ പ്രായം സ്ഥിരീകരിക്കുന്നതിന് തെരഞ്ഞെടുപ്പ് തിരിച്ചറിയല് കാര്ഡ് ആധികാരിക രേഖയാക്കുന്നതിന് പകരം ആധാര് ഉള്പ്പെടെ മറ്റു തിരിച്ചറിയല് രേഖകള് നിര്ബന്ധമാക്കണം. 2021 ലെ നിയമസഭാ തെരഞ്ഞെടുപ്പില് വീട്ടിലിരുന്ന് വോട്ട് ചെയ്യുന്ന രീതി ദുരുപയോഗം ചെയ്യപ്പെട്ടു. വോട്ടിങ് സമയക്രമം യു.ഡി.എഫ് സ്ഥാനാർഥികളുടെ ഏജന്റുമാരെ അറിയിക്കാത്ത സംഭവങ്ങളുമുണ്ടായി. സീല്ഡ് കവർ ഉപയോഗിച്ചില്ലെന്ന ആരോപണവും ഉയര്ന്നിരുന്നു.
വോട്ടിങ് പ്രക്രിയ സുതാര്യവും സത്യസന്ധവുമാക്കുന്നതിന് വോട്ടിങ് സമയക്രമം സ്ഥാനാർഥികളുടെ ഏജന്റുമാരെ മുന്കൂട്ടി അറിയിക്കാനും രാഷ്ട്രീയ പാര്ട്ടികളുടെ ബൂത്ത് ലെവല് ഏജന്റുമാരുടെ സാന്നിധ്യത്തിലാണ് വോട്ടെടുപ്പ് നടക്കുന്നതെന്ന് ഉറപ്പാക്കാനും നടപടി സ്വീകരിക്കണമെന്നും കത്തില് ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.