കൊച്ചി: വിജയസാധ്യതയുള്ളയാളാകും കുട്ടനാട്ടിൽ മത്സരിക്കുകയെന്ന് ബി.ഡി.ജെ.എസ് സംസ്ഥാന പ്രസിഡൻറും എൻ.ഡി.എ കൺവീനറുമായ തുഷാർ വെള്ളാപ്പള്ളി. അത് ബി.ഡി.ജെ.എസ് സ്ഥാനാർഥിയാകുമോ അതോ ബി.ജെ.പിയുടേതാകുമോ എന്ന കാര്യം എൻ.ഡി.എ യോഗത്തിനുശേഷം വ്യക്തമാക്കും.
ബി.ജെ.പി സംസ്ഥാന പ്രസിഡൻറായി ചുമതലയേറ്റ കെ. സുരേന്ദ്രനുമായി കൂടിക്കാഴ്ചക്ക് കൊച്ചിയിലെത്തിയ തുഷാർ വെള്ളാപ്പള്ളി മാധ്യമപ്രവർത്തകരുടെ ചോദ്യങ്ങൾക്ക് മറുപടി നൽകുകയായിരുന്നു. കഴിഞ്ഞ തവണ ബി.ഡി.ജെ.എസ് മത്സരിച്ച സീറ്റാണ്. കൂടുതൽ ജയസാധ്യതയുള്ള പൊതുസമ്മതനെയാകും നിർത്തുക. കുട്ടനാട്ടിൽ ബി.ഡി.ജെ.എസിന് തികഞ്ഞ ആത്മവിശ്വാസമുണ്ടെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.