മൂന്നാർ ഗ്യാപ്പ് റോഡിൽ ഇന്ന്​ രാത്രി യാത്ര നിരോധനം

തൊടുപുഴ: റെഡ്​ അലർട്ട്​ പ്രഖ്യാപിച്ച ഇടുക്കി ജില്ലയിലെ മൂന്നാർ മേഖലയിൽ ശക്തമായ കാറ്റും മഴയും തുടരുകയാണ്​. ഈ സാഹചര്യത്തിൽ കൊച്ചി ധനുഷ്കോടി ദേശീയപാതയിലെ മൂന്നാർ ഗ്യാപ് റോഡിൽ മണ്ണിടിച്ചിലും ഗതാഗത തടസ്സവും ഉണ്ടാകാനുള്ള സാധ്യത കണക്കിലെടുത്ത്​ ഇന്ന്​ രാത്രി യാത്രയ്ക്ക്​ നിരോധനം ഏർപ്പെടുത്തി.

ദുരന്തനിവാരണ നിയമമനുസരിച്ചാണ്​ യാത്രാ നിരോധനം ഏർ​പ്പെടുത്തിയിരിക്കുന്നത്​. നിയമം ലംഘിക്കുന്നവർക്കെതിരെ കർശനമായ നടപടിയുണ്ടാകുമെന്നും ജില്ലാ കലക്ടർ അറിയിച്ചു.