കടക്കെണി: മൂന്നംഗ കുടുംബം തീകൊളുത്തി മരിച്ചനിലയിൽ

ക​ഴ​ക്കൂ​ട്ടം: ക​ഠി​നം​കു​ളം പ​ടി​ഞ്ഞാ​റ്റു​മു​ക്കി​ൽ കു​ടും​ബ​ത്തി​ലെ മൂ​ന്നു​പേ​ർ കി​ട​പ്പു​മു​റി​യി​ൽ തീ ​കൊ​ളു​ത്തി മ​രി​ച്ച​നി​ല​യി​ൽ. പ​ടി​ഞ്ഞാ​റ്റു​മു​ക്ക് കാ​ർ​ത്തി​ക​യി​ൽ ര​മേ​ശ​ൻ (48) ഭാ​ര്യ സു​ല​ജ​കു​മാ​രി (46) മ​ക​ൾ രേ​ഷ്മ (23) എ​ന്നി​വ​രാ​ണ് പൊ​ള്ള​ലേ​റ്റ് മ​രി​ച്ച​ത്. പ​ലി​ശ​ക്കാ​രു​ടെ സ​മ്മ​ർ​ദം താ​ങ്ങാ​നാ​കാ​തെ​യാ​ണ്​ മ​ര​ണം.

വ്യാ​ഴാ​ഴ്ച രാ​ത്രി പ​തി​നൊ​ന്ന​ര​യോ​ടെ​യാ​ണ് സം​ഭ​വം. ജ​ന​ൽ​ചി​ല്ലു​ക​ൾ പൊ​ട്ടു​ന്ന ശ​ബ്ദം കേ​ട്ട് അ​ടു​ത്ത മു​റി​യി​ൽ ഉ​റ​ങ്ങി​ക്കി​ട​ന്ന സു​ല​ജ​കു​മാ​രി​യു​ടെ മാ​താ​പി​താ​ക്ക​ൾ ഉ​ണ​ർ​ന്ന​പ്പോ​ൾ തീ ​പ​ട​രു​ന്ന​താ​ണ് ക​ണ്ട​ത്. ഇ​വ​രു​ടെ നി​ല​വി​ളി കേ​ട്ട് അ​യ​ൽ​വാ​സി​ക​ളെ​ത്തി​യ​പ്പോ​ൾ കി​ട​പ്പു​മു​റി അ​ക​ത്തു​നി​ന്ന്​ പൂ​ട്ടി​യ നി​ല​യി​ലാ​യി​രു​ന്നു. കി​ട​പ്പു​മു​റി​യു​ടെ വാ​തി​ൽ തു​റ​ക്കാ​തി​രി​ക്കാ​ൻ അ​ല​മാ​ര​യും മ​റ്റും ചേ​ർ​ത്തു​വെ​ച്ചി​രു​ന്നു.

തീ​പി​ടി​ച്ച് പൊ​ട്ടി​യ ജ​ന​ലി​ലൂ​ടെ അ​ക​ത്തേ​ക്ക്‌ വെ​ള്ള​മൊ​ഴി​ച്ചാ​ണ് തീ ​കെ​ടു​ത്തി​യ​ത്. ര​മേ​ശ​ന്റെ മൃ​ത​ദേ​ഹം ത​റ​യി​ലും സു​ല​ജ​യു​ടെ​യും രേ​ഷ്മ​യു​ടെ​യും മൃ​ത​ദേ​ഹ​ങ്ങ​ൾ ക​ട്ടി​ലി​ലു​മാ​ണ് കി​ട​ന്ന​ത്. ര​മേ​ശ​ൻ വ്യാ​ഴാ​ഴ്ച രാ​വി​ലെ​യാ​ണ് വി​ദേ​ശ​ത്തു​നി​ന്നെ​ത്തി​യ​ത്. ക​ട​ബാ​ധ്യ​ത​യും പ​ലി​ശ​ക്കാ​രു​ടെ പീ​ഡ​ന​വു​മാ​ണ് കു​ടും​ബ​ത്തെ ആ​ത്മ​ഹ​ത്യ​യി​ലേ​ക്ക് ന​യി​ച്ച​തെ​ന്ന് സു​ല​ജ​യു​ടെ പി​താ​വ് സു​രേ​ന്ദ്ര​ൻ പ​റ​ഞ്ഞു.

സാ​മ്പ​ത്തി​ക ബാ​ധ്യ​ത തീ​ർ​ക്കാ​ൻ വീ​ടും വ​സ്തു​വും വി​ൽ​ക്കാ​ൻ ശ്ര​മി​ച്ചെ​ങ്കി​ലും കേ​സി​ൽ​പെ​ട്ട​തി​നാ​ൽ വി​ൽ​ക്കാ​ൻ ക​ഴി​ഞ്ഞി​ല്ല. മ​ക​ൻ രോ​ഹി​ത് ത​മി​ഴ്നാ​ട്ടി​ൽ ചെ​ണ്ട​മേ​ള​ത്തി​നു​പോ​യി​രു​ന്ന സ​മ​യ​മാ​ണ് ആ​ത്മ​ഹ​ത്യ ന​ട​ന്ന​ത്. റൂ​റ​ൽ എ​സ്.​പി ഡി. ​ശി​ൽ​പ ഉ​ൾ​പ്പെ​ടെ ഉ​ന്ന​ത ഉ​ദ്യോ​ഗ​സ്ഥ​ർ സം​ഭ​വ​സ്ഥ​ലം സ​ന്ദ​ർ​ശി​ച്ചു. ഫോ​റ​ൻ​സി​ക് വി​ഭാ​ഗം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ക​ഠി​നം​കു​ളം പൊ​ലീ​സ് അ​ന്വേ​ഷ​ണ​മാ​രം​ഭി​ച്ചു. മൃ​ത​ദേ​ഹ​ങ്ങ​ൾ പോ​സ്റ്റ്മോ​ർ​ട്ട​ത്തി​നു​ശേ​ഷം തൈ​ക്കാ​ട് ശാ​ന്തി​ക​വാ​ട​ത്തി​ൽ സം​സ്ക​രി​ച്ചു.