കണ്ണൂർ: ജില്ലയിൽ ശനിയാഴ്ച കോവിഡ് –19 രോഗബാധ സ്ഥിരീകരിച്ചത് മൂന്നുപേർക്ക്. രണ്ടുപേർ ദുബൈയിൽനിന്ന് എത് തിയവരാണ്. ഒരാൾക്ക് സമ്പർക്കത്തിലൂടെയാണ് വൈറസ് ബാധ സ്ഥിരീകരിച്ചത്. ചമ്പാട് അരയാക്കൂൽ സ്വദേശിനിയായ യു വതിക്കാണ് സമ്പർക്കം വഴി രോഗം സ്ഥിരീകരിച്ചത്. 28 വയസ്സുള്ള ഇവർ വീട്ടിൽ നിരീക്ഷണത്തിലായിരുന്നു.
അഞ്ചരക്കണ്ടി കോവിഡ് ട്രീറ്റ്മെൻറ് സെൻററിൽനിന്നാണ് ഇവർ സ്രവ പരിശോധനക്ക് വിധേയയായത്. രോഗം സ്ഥിരീകരിച്ച കൂടാളി പൂവത്തൂരിലെ 30 വയസ്സുകാരൻ ദുബൈയിൽനിന്ന് എത്തിയതാണ്. മാർച്ച് 21ന് നെടുമ്പാശ്ശേരി വിമാനത്താവളത്തിലായിരുന്നു ഇയാൾ വിമാനമിറങ്ങിയത്. അഞ്ചരക്കണ്ടി കോവിഡ് ട്രീറ്റ്മെൻറ് സെൻററിൽനിന്ന് സ്രവ പരിശോധനക്ക് വിധേയനായ ഇയാളും വീട്ടിൽ നിരീക്ഷണത്തിലായിരുന്നു.
പെരളശ്ശേരി മുണ്ടലൂരിൽ രോഗം സ്ഥിരീകരിച്ച വീട്ടമ്മ മാർച്ച് 18ന് ഷാർജയിൽനിന്ന് നാട്ടിലെത്തിയതാണ്. 54 വയസ്സുള്ള ഇവർ കണ്ണൂർ അന്താരാഷ്ട്ര വിമാനത്താവളം വഴിയാണ് നാട്ടിലെത്തിയത്. അഞ്ചരക്കണ്ടി കോവിഡ് ട്രീറ്റ്മെൻറ് സെൻററിൽനിന്ന് സ്രവ പരിശോധനക്ക് വിധേയയായ ഇവരും വീട്ടിൽ നിരീക്ഷണത്തിലായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.