തൃപ്പാളൂരിൽ മോഷണം നടന്ന സ്ഥാപനങ്ങളിൽ പൊലീസ് തെളിവെടുക്കുന്നു
ആലത്തൂർ: ദേശീയപാതയിലെ തൃപ്പാളൂരിൽ രണ്ട് ഓൺലൈൻ ബിസിനസ് സ്ഥാപനങ്ങളിൽ മോഷണം. രണ്ടര ലക്ഷത്തിലധികം രൂപ നഷ്ടപ്പെട്ടു. ആമസോൺ, ഫ്ലിപ്കാർട്ട് സ്ഥാപനങ്ങളുടെ ഒരേ കെട്ടിടത്തിലെ രണ്ട് സ്ഥാപനത്തിലാണ് മോഷണം നടന്നത്.
ഫ്ലിപ്കാർട്ടിൽ നിന്ന് 1,89,000 രൂപയും മറ്റിടത്തുനിന്ന് എൺപതിനായിരത്തോളവും ഉൾപ്പെടെ 2,69,000 രൂപയാണ് നഷ്ടപ്പെട്ടതെന്ന് പൊലീസ് പറഞ്ഞു. ഞായറാഴ്ച വൈകീട്ട് ഏഴിന് സ്ഥാപനം അടച്ച് പോയതാണ്. തിങ്കളാഴ്ച രാവിലെ തുറക്കാനെത്തിയവരാണ് മോഷണവിവരം അറിഞ്ഞത്.
പൂട്ട് പൊളിച്ചാണ് മോഷ്ടാവ് അകത്ത് കടന്നത്. സ്ഥാപനത്തിലെ സി.സി ടി.വി നശിപ്പിച്ച നിലയാണ്. രണ്ട് സ്ഥാപനത്തിന്‍റെയും പരാതിയിൽ ആലത്തൂർ പൊലീസ് കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.