കൊച്ചി: നടിയെ ആക്രമിച്ച സംഭവത്തിൽ പുതിയ വെളിപ്പെടുത്തലുകൾ നടത്തിയ സംവിധായകൻ ബാലചന്ദ്രകുമാറിന് നടൻ ദിലീപ് അയച്ചതെന്ന് കരുതുന്ന വാട്സ്ആപ് സന്ദേശം പുറത്ത്. 2021 ഏപ്രിൽ 10, 11 തീയതികളിലെ ശബ്ദസന്ദേശങ്ങളാണ് പുറത്തുവന്നത്.
താൻ തിരുവനന്തപുരത്തുണ്ടെന്നും നേരിട്ട് കാണണമെന്നും ദിലീപ് ആവശ്യപ്പെടുന്നതാണ് സന്ദേശം. മെസേജുകൾ അയക്കുന്നത് സുരക്ഷിതമല്ലെന്നും തന്‍റെ വാട്സ്ആപ് ഹാക് ചെയ്യപ്പെടുന്നുണ്ടെന്നും ഇതിൽ പറയുന്നു. നിരവധി തവണ വാട്സ്ആപ്പിൽ വിളിച്ചതിനു ശേഷം മറുപടി ലഭിക്കാതെ വന്നതോടെയാണ് മെസേജ് അയച്ചത്.
ദിലീപിനെ കേന്ദ്രകഥാപാത്രമാക്കി സംവിധാനം ചെയ്യാനിരുന്ന സിനിമയിൽ നിന്ന് പിന്മാറുകയാണെന്ന് ബാലചന്ദ്രകുമാർ മെസേജിലൂടെ മറുപടി അറിയിച്ചു. നടിയെ ആക്രമിച്ച സംഭവവുമായി ബന്ധപ്പെട്ട് ദിലീപിനെ പ്രതികൂലമായി ബാധിച്ചേക്കാവുന്ന സംഭവങ്ങൾ ബാലചന്ദ്രകുമാർ വെളിപ്പെടുത്തിയേക്കുമെന്നതിനാൽ നേരിട്ട് കാണാനെത്തിയതാണെന്നാണ് സൂചന.
എന്നാൽ, നേരിട്ട് കാണണമെന്ന് ദിലീപ് ആവശ്യപ്പെട്ടപ്പോൾ പോകാതിരുന്നത് തന്നെ അപായപ്പെടുത്തിയേക്കുമെന്ന ഭയം കൊണ്ടാണെന്ന് ബാലചന്ദ്രകുമാർ പ്രതികരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.