തെരുവുനായ്​ ആ​ക്രമണം: ദുരന്ത നിവാരണ ഫണ്ട്​ ഉപയോഗപ്പെടുത്താൻ ആകുമോയെന്ന്​ ഹൈകോടതി

കൊ​ച്ചി: തെ​രു​വു​നാ​യ്​ ആ​ക്ര​മ​ണ​ത്തെ സം​സ്ഥാ​ന ദു​ര​ന്ത​ത്തി​ൽ ഉ​ൾ​പ്പെ​ടു​ത്തി ഇ​ര​യാ​യ​വ​ർ​ക്ക്​ ദു​ര​ന്ത​നി​വാ​ര​ണ ഫ​ണ്ടി​ൽ​നി​ന്ന്​ ന​ഷ്ട​പ​രി​ഹാ​രം ന​ൽ​കാ​നാ​വു​മോ​യെ​ന്ന്​ ഹൈ​കോ​ട​തി. 9000ത്തി​ലേ​റെ അ​പേ​ക്ഷ​ക​ളാ​ണ്​ ന​ഷ്ട​പ​രി​ഹാ​ര​വു​മാ​യി ബ​ന്ധ​പ്പെ​ട്ട്​ പ​രി​ഗ​ണ​ന​യി​ലു​ള്ള​ത്. ഈ ​സാ​ഹ​ച​ര്യ​ത്തി​ലാ​ണ്​ ദു​ര​ന്ത​നി​വാ​ര​ണ ഫ​ണ്ട്​ ഇ​തി​ന്​ വി​നി​യോ​ഗി​ക്കാ​നാ​കു​മോ​യെ​ന്ന്​ ജ​സ്റ്റി​സ്​ സി.​എ​സ്. ഡ​യ​സ്​ വാ​ക്കാ​ൽ ആ​രാ​ഞ്ഞ​ത്. തെ​രു​വു​നാ​യ്​ ശ​ല്യം നി​യ​ന്ത്രി​ക്കാ​ൻ ന​ട​പ​ടി ആ​വ​ശ്യ​പ്പെ​ട്ട്​ നി​യ​മ വി​ദ്യാ​ർ​ഥി​നി​യാ​യ തി​രു​വ​ന​ന്ത​പു​രം സ്വ​ദേ​ശി​നി കീ​ർ​ത്ത​ന സ​രി​ൻ ന​ൽ​കി​യ ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്.

മേ​യ്​ 31ന്​ ​ഹ​ര​ജി​ക്കാ​രി​ക്ക്​ തെ​രു​വു​നാ​യ്​​ക്ക​ളു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ​തി​നെ​ത്തു​ട​ർ​ന്ന്​ നെ​ടു​മ​ങ്ങാ​ട് മു​നി​സി​പ്പാ​ലി​റ്റി​യി​ൽ പ​രാ​തി ന​ൽ​കി​യി​രു​ന്നു. എ​ന്നാ​ൽ, ന​ട​പ​ടി​യു​ണ്ടാ​യി​ല്ലെ​ന്ന്​ കാ​ട്ടി​യാ​ണ്​ കോ​ട​തി​യെ സ​മീ​പി​ച്ച​ത്. തെ​രു​വു​നാ​യ്​​ക്ക​ളു​ടെ വ​ന്ധ്യം​ക​ര​ണ​മ​ട​ക്കം ന​ട​പ​ടി​ക​ൾ​ക്ക്​ നി​ർ​ദേ​ശം ന​ൽ​ക​ണ​മെ​ന്നാ​ണ് ഹ​ര​ജി​യി​ലെ ആ​വ​ശ്യം.

തെ​രു​വു​നാ​യ്​​ക്ക​ളു​ടെ ക​ടി​യേ​ൽ​ക്കു​ന്ന​വ​രു​ടെ ന​ഷ്ട​പ​രി​ഹാ​ര ആ​വ​ശ്യം പ​രി​ഗ​ണി​ച്ചി​രു​ന്ന ജ​സ്റ്റി​സ് സി​രി​ജ​ഗ​ൻ ക​മ്മി​റ്റി​യു​ടെ കാ​ര്യ​ത്തി​ൽ എ​ന്ത്​ തീ​രു​മാ​ന​​മാ​ണ്​ എ​ടു​ത്ത​തെ​ന്ന്​ തി​ങ്ക​ളാ​ഴ്​​ച ഹ​ര​ജി പ​രി​ഗ​ണി​ക്ക​വേ സ​ർ​ക്കാ​റി​നോ​ട്​ കോ​ട​തി വാ​ക്കാ​ൽ ചോ​ദി​ച്ചു. സ​ർ​ക്കാ​ർ തീ​രു​മാ​ന​മെ​ടു​ക്കാ​ൻ വൈ​കി​യാ​ൽ ക​മ്മി​റ്റി തു​ട​രാ​ൻ ഉ​ത്ത​ര​വി​ടേ​ണ്ടി​വ​രു​മെ​ന്നും കോ​ട​തി പ​റ​ഞ്ഞു. തു​ട​ർ​ന്നാ​ണ്​ സം​സ്ഥാ​ന ദു​ര​ന്ത​ത്തി​ൽ ഉ​ൾ​പ്പെ​ടു​ത്തു​ന്ന​ത​ട​ക്കം സ​ത്യ​വാ​ങ്​​മൂ​ലം സ​മ​ർ​പ്പി​ക്കാ​ൻ ആ​വ​ശ്യ​പ്പെ​ട്ട​ത്. സ​ർ​ക്കാ​ർ കൂ​ടു​ത​ൽ സ​മ​യം തേ​ടി​യ​തി​നെ​ത്തു​ട​ർ​ന്ന്​ ഹ​ര​ജി വീ​ണ്ടും തി​ങ്ക​ളാ​ഴ്ച പ​രി​ഗ​ണി​ക്കാ​ൻ മാ​റ്റി.