ദുബൈ: മുന് കേന്ദ്ര മന്ത്രി ഇ. അഹമ്മദിെൻറ മരുമകനും വൃക്കരോഗ വിദഗ്ധനുമായ ഡോ. ബാബു ഷേര്സാദ് അന്തരിച്ചു. ഇ. അഹമ്മദിെൻറ മകള് ഡോ. ഫൗസിയയുടെ ഭര്ത്താവാണ്. ഹൃദയാഘാതത്തെ തുടര്ന്ന് ഇന്ന് പുലര്ച്ചെ ദുബൈ റാശിദ് ആശുപത്രിയിലായിരുന്നു അന്ത്യം.
നെഫ്രോളജി വിഭാഗം മേധാവിയായ ഡോ. ബാബു ഷേര്സാദ് കോഴിക്കോട് കല്ലായി മുള്ളത്ത് കുടുംബാംഗമാണ്. ഡല്ഹി റാം മനോഹര് ലോഹ്യ ആശുപത്രിയില് മുന് കേന്ദ്രമന്ത്രി ഇ അഹമ്മദിെൻറ മൃതദേഹത്തോട് അധികൃതര് കാണിച്ച അനാദരവും അനീതിയും പുറത്തു കൊണ്ടു വരുന്നതില് മുഖ്യപങ്കുവഹിച്ചരില് ഇദ്ദേഹവുണ്ടായിരുന്നു.
ആശുപത്രിയിലെ ദുരനുഭവങ്ങളുടെ പശ്ചാത്തലത്തില് ഇന്ത്യയില് രോഗികളുടെ അവകാശങ്ങള് നിയമമാക്കണമെന്ന് ആവശ്യമുന്നയിച്ച് നിയമപോരാട്ടം നടത്തുന്നതിനിടെയാണ് മരണം. ഈ ആവശ്യമുന്നയിച്ച് ഡോ. ഷെര്സാദും ഭാര്യ ഡോ. ഫൗസിയയും പ്രധാനമന്ത്രി നരേന്ദ്ര മോദിയെ നേരില് കണ്ട് ചര്ച്ച നടത്തി രേഖകള് കൈമാറിയിരുന്നു. സുമയ്യ, സുസൈല്, സഫീര് എന്നിവര് മക്കളാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.