എരുമപ്പെട്ടി: മാധ്യമപ്രവർത്തകയെ സമൂഹമാധ്യമങ്ങളിൽ അപകീർത്തിപ്പെടുത്തിയ യുവാവിനെ പൊലീസ് അറസ്റ്റ് ചെയ്തു. കുട്ടഞ്ചേരി കൊണ്ടത്തൊടിയിൽ വീട്ടിൽ അജിത് ശിവരാമനെയാണ് എരുമപ്പെട്ടി പൊലീസ് ഞായറാഴ്ച അറസ്റ്റ് ചെയ്തത്.
ഏഷ്യനെറ്റ് ന്യൂസ് ചാനലിലെ തൃശൂർ ചീഫ് റിപ്പോർട്ടർ പ്രിയ എളവള്ളിമഠത്തെ അപമാനിക്കുന്ന തരത്തിലാണ് യുവാവ് ഫേസ്ബുക്കിൽ പോസ്റ്റിട്ടത്. വെള്ളിയാഴ്ച രാവിലെ കടങ്ങോട് പഞ്ചായത്തിലെ കുടക്കുഴിയുള്ള ചെമ്പ്രയൂർ നരസിംഹമൂർത്തി ക്ഷേത്രത്തിൽ ലോക്ഡൗൺ നിയന്ത്രണം ലംഘിച്ച് ആരാധനയും പ്രഭാഷണവും നടത്തിയതിന് ബി.ജെ.പി സംസ്ഥാന കൗൺസിൽ അംഗം ഇ. ചന്ദ്രൻ ഉൾപ്പെടെ നാലുപേരെ പൊലീസ് അറസ്റ്റ് ചെയ്തിരുന്നു.
ഇക്കാര്യം വാർത്തയാക്കിയതിനെ തുടർന്നാണ് പ്രിയ എളവള്ളിമഠത്തിനെതിരെ അജിത് സമൂഹമാധ്യമങ്ങളിൽ പോസ്റ്റിട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.