Posted On
date_range Updated On
date_range വയോധികയുടെ വയറ്റിൽ നിന്ന് ആറ് കിലോ വരുന്ന മുഴ നീക്കി
കാഞ്ഞിരപ്പള്ളി: 70കാരിയുടെ വയറ്റിൽനിന്ന് ആറ് കിലോയോളം വരുന്ന മുഴ നീക്കംചെയ്തു. കാഞ്ഞിരപ്പള്ളി ജനറല്‍ ആശുപത്രിയിലെ ഗൈനക്കോളജി വിഭാഗത്തിന്‍റെ നേതൃത്വത്തിലാണ് കാഞ്ഞിരപ്പള്ളി സ്വദേശിനിയുടെ ഗർഭപാത്രത്തിലെ മുഴ നീക്കിയത്.
കുറച്ചുനാളായി വയർ അമിതമായി വീർത്തുവരുന്നതിനെ തുടർന്നാണ് ഇവർ ചികിത്സക്ക് എത്തിയത്. കഴിഞ്ഞ ദിവസം നടത്തിയ സ്കാനിങ്ങിൽ ഗർഭപാത്രത്തിൽ വലിയ മുഴയുള്ളതായി കണ്ടെത്തി. തുടർന്നാണ് വ്യാഴാഴ്ച ശസ്ത്രക്രിയക്ക് വിധേയമാക്കിയത്. ഗർഭപാത്രത്തിൽനിന്ന് 5.856 കിലോഗ്രാം വരുന്ന മുഴയാണ് നീക്കിയത്.
ഗൈനക്കോളജി വിഭാഗത്തിലെ ഡോ. ജി.എല്‍. പ്രശാന്ത്, ഡോ. അരുണ്‍കുമാര്‍, ഡോ. ഐഷ, അനസ്‌തേഷ്യ വിഭാഗത്തിലെ ഡോ. രേഖ, ഡോ. മിനി, ഡോ. സുഹൈൽ, സ്റ്റാഫ് നഴ്‌സ് വി. മഞ്ജു തുടങ്ങിയവര്‍ ശസ്ത്രക്രിയക്ക് നേതൃത്വം നല്‍കി. ആശുപത്രിയില്‍ ചികിത്സയിലാണ് ഇവർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.