കോൺഗ്രസ് ​അധ്യക്ഷസ്ഥാനത്തേക്ക് മത്സര സാധ്യത തള്ളാതെ ശശി തരൂർ

തിരുവനന്തപുരം: കോൺഗ്രസ് ​അധ്യക്ഷസ്ഥാനത്തേക്കുള്ള മത്സര സാധ്യത തള്ളാതെ ശശി തരൂർ എം.പി. മത്സരിക്കുമോ ഇല്ലയോയെന്ന്​ ഇപ്പോൾ പറയുന്നില്ല. മൂന്ന്​ ആഴ്ചക്കുശേഷം വീണ്ടും കാണാമെന്നും​ ​അദ്ദേഹം മാധ്യമങ്ങളോട്​ പ്രതികരിച്ചു.

കോൺഗ്രസ്​ അധ്യക്ഷസ്ഥാനത്തേക്ക്​ ഇല്ലെന്ന്​ നെഹ്​റുകുടുംബം ​പ്രഖ്യാപിച്ച സാഹചര്യത്തിൽ പുറത്തുനിന്ന്​ ഒരാൾ വരണം. നെഹ്​റു കുടുംബത്തിന് പുറത്തുനിന്ന് ഒരാള്‍ പാര്‍ട്ടി പ്രസിഡന്റാകട്ടെ. ജനാധിപത്യ പാർട്ടിയിൽ മത്സരം നല്ലതാണ്​. അത്​ പാർട്ടിയെ ശക്തിപ്പെടുത്തും. ഇനി സോണിയ ഗാന്ധിക്കുമേൽ സമ്മർദം ചെലുത്തുന്നത്​ നല്ലതല്ല -തരൂർ വ്യക്തമാക്കി.