വളാഞ്ചേരി: വീട്ടുമുറ്റത്ത് കളിക്കുന്നതിനിടെ മതിലിടിഞ്ഞ് ദേഹത്ത് വീണ് ഏഴു വയസ്സുകാരൻ മരിച്ചു. കരേക്കാട് കരുവഞ്ചേരി കപ്പൂരത്ത് വീട്ടില് ഹംസ -സഹീറ ദമ്പതികളുടെ മകൻ മുഹമ്മദ് ഹംദാനാണ് മരിച്ചത്.
ശനിയാഴ്ച ഉച്ചക്ക് 12ഓടെയായിരുന്നു അപകടം. കൂട്ടുകാരോടൊപ്പം കളിക്കുന്നതിനിടെ മുഹമ്മദ് ഹംദാന്റെ ദേഹത്തേക്ക് മഴയില് കുതിര്ന്നുനിന്ന മതിൽ വീഴുകയായിരുന്നു. കുട്ടിയെ വളാഞ്ചേരിയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
കൊളമംഗലം എം.ഇ.ടി സ്കൂളിലെ ഒന്നാം ക്ലാസ് വിദ്യാര്ഥിയാണ് ഹംദാന്. മൃതദേഹം പോസ്റ്റ്മോര്ട്ടത്തിനു ശേഷം വടക്കുംപുറം പഴയ ജുമുഅത്ത് പള്ളി ഖബർസ്ഥാനിൽ ഖബറടക്കി. സഹോദരൻ: മുഹമ്മദ് ഹനാൻ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.