പ്രധാനാധ്യാപികയു​ടെ ആത്മഹത്യ ജോലിഭാരം കാരണം; സ്ഥാനക്കയറ്റം വേണ്ടെന്ന​ അപേക്ഷ നിരസിച്ചു

കോ​ട്ട​യം: വി​ദ്യാ​ഭ്യാ​സ രം​ഗ​ത്തെ സ​ർ​ക്കാ​റി​ന്‍റെ തെ​റ്റാ​യ രീ​തി​ക​ൾ​ക്ക്​ ആ​ദ്യ ര​ക്ത​സാ​ക്ഷി. വൈ​ക്കം പോ​ള​ശ്ശേ​രി എ​ൽ.​പി.​എ​സ്​ പ്ര​ധാ​നാ​ധ്യാ​പി​ക മാ​ളി​യേ​ക്ക​ൽ പു​ത്ത​ൻ​ത​റ കെ. ​ശ്രീ​ജ (48) ജീ​വ​നൊ​ടു​ക്കി​യ​ത്​ അ​മി​ത ജോ​ലി​ഭാ​ര​ത്തെ​ത്തു​ട​ർ​ന്നു​ള്ള മാ​ന​സി​ക സ​മ്മ​ർ​ദം മൂ​ല​മെ​ന്ന്​ ആ​ക്ഷേ​പം. ​പ്രൈ​മ​റി സ്കൂ​ളു​ക​ളി​ലെ പ്ര​ധാ​നാ​ധ്യാ​പ​ക നി​യ​മ​നം സം​ബ​ന്ധി​ച്ച്​ കേ​സ്​ ന​ട​ക്കു​ന്ന​തി​നാ​ൽ നി​ല​വി​ലെ ഒ​ഴി​വ്​ നി​ക​ത്താ​ൻ സ​ർ​ക്കാ​ർ താ​ൽ​ക്കാ​ലി​ക​മാ​യി സ്ഥാ​ന​ക്ക​യ​റ്റം ന​ൽ​കി​യ നി​ര​വ​ധി പ്ര​ധാ​നാ​ധ്യാ​പ​ക​രി​ൽ ഒ​രാ​ളാ​യി​രു​ന്നു​ ശ്രീ​ജ.

പ്ര​ധാ​നാ​ധ്യാ​പ​ക ത​സ്തി​ക​യു​ടെ ഒ​രു സാ​മ്പ​ത്തി​ക ആ​നു​കൂ​ല്യ​ങ്ങ​ളും ഇ​ത്ത​ര​ക്കാ​ർ​ക്കി​ല്ല. അ​തേ​സ​മ​യം, പ്ര​ധാ​നാ​ധ്യാ​പ​ക​ന്‍റെ ജോ​ലി​ക​ളെ​ല്ലാം ചെ​യ്യ​ണം. മാ​ന​സി​ക സ​മ്മ​ർ​ദം കാരണം, സ്ഥാ​ന​ക്ക​യ​റ്റം വേ​ണ്ടെ​ന്നും തി​രി​ച്ച്​ അ​ധ്യാ​പ​ക പ​ദ​വി​യി​ലേ​ക്ക്​ ത​രം​താ​ഴ്ത്ത​ണ​മെ​ന്ന്​ ആ​വ​ശ്യ​പ്പെ​ട്ട്​ അ​പേ​ക്ഷ ന​ൽ​കി​യി​ട്ടും നി​ര​സി​ക്കുകയായിരുന്നു.

അ​മി​ത ജോ​ലി ഒ​ഴി​വാ​ക്ക​ണ​മെ​ന്ന്​ ഡോ​ക്ട​ർ നി​ർ​ദേ​ശി​ച്ചതി​ന്‍റെ അ​ടി​സ്ഥാ​ന​ത്തി​ലാ​ണ്​ സ്ഥാ​ന​ക്ക​യ​റ്റം വേ​ണ്ടെ​ന്ന്​ അ​പേ​ക്ഷ ന​ൽ​കി​യ​​തെ​ന്ന്​ ബ​ന്ധു​ക്ക​ൾ പ​റ​യു​ന്നു. വൈ​ക്കം ഗ​വ. ഗേ​ൾ​സ്​ ഹൈ​സ്കൂ​ൾ അ​ധ്യാ​പി​ക​യാ​യി​രു​ന്ന ശ്രീ​ജ​ക്ക്​ ജൂ​ൺ ഒ​ന്നി​നാ​ണ്​ കീ​ഴൂ​ർ ജി.​എ​ൽ.​പി.​എ​സി​ൽ പ്ര​ധാ​നാ​ധ്യാ​പി​ക​യാ​യി സ്ഥാ​ന​ക്ക​യ​റ്റം ന​ൽ​കി​യ​ത്. പി​റ്റേ​ദി​വ​സം ത​ന്നെ അ​വ​ധി​യി​ൽ പ്ര​വേ​ശി​ച്ചു.

തു​ട​ർ​ന്ന്​ അ​ധ്യാ​പ​ക ത​സ്തി​ക​യി​ലേ​ക്ക്​ തി​രി​ച്ചു​പോ​ക​ണ​മെ​ന്ന്​ ആ​വ​ശ്യ​പ്പെ​ട്ട്​ വി​ദ്യാ​ഭ്യാ​സ മ​ന്ത്രി​ക്ക്​ അ​പേ​ക്ഷ ന​ൽ​കി. എ​ന്നാ​ൽ, ഏ​തെ​ങ്കി​ലും ശി​ക്ഷ​യു​ടെ ഭാ​ഗ​മാ​യോ സ്ഥാ​ന​ക്ക​യ​റ്റം ല​ഭി​ച്ച ത​സ്തി​ക​യി​ൽ ഒ​ഴി​വി​ല്ലാ​തെ വ​രു​ന്ന അ​വ​സ്ഥ​യി​ലോ മാ​ത്ര​മേ ത​രം​താ​ഴ്ത്ത​ൽ അ​നു​വ​ദി​ക്കൂ എന്നായിരുന്നു വി​ദ്യാ​ഭ്യാ​സ വ​കു​പ്പി​ൽ​നി​ന്നു​ള്ള മ​റു​പ​ടി. അ​തി​നി​ടെ ആ​ഗ​സ്റ്റ്​ നാ​ലി​ന്​​ പോ​ള​ശ്ശേ​രി​യി​ലേ​ക്കു സ്ഥ​ലം​മാ​റ്റു​ക​യും ചെ​യ്തു. അ​തേ​സ​മ​യം, മ​ല​പ്പു​റ​ത്ത്​ ഇ​ത്ത​ര​ത്തി​ൽ ​പ്ര​ധാ​നാ​ധ്യാ​പി​ക​യാ​യി സ്ഥാ​ന​ക്ക​യ​റ്റം നേ​ടി​യ അ​ധ്യാ​പി​ക​ക്ക്​ ആ​രോ​ഗ്യ​കാ​ര​ണ​ങ്ങ​ൾ ചൂ​ണ്ടി​ക്കാ​ട്ടി ആ​റു​ദി​വ​സം മു​മ്പ്​ ഇ​ത്ത​ര​ത്തി​ൽ ത​രം​താ​ഴ്ത്ത​ൽ അ​നു​വ​ദി​ച്ചി​ട്ടു​ണ്ട്.

അ​ധ്യാ​പി​ക​യു​ടെ വി​യോ​ഗ​ത്തി​ൽ പ്ര​തി​ഷേ​ധി​ച്ച്​ തി​ങ്ക​ളാ​ഴ്ച എ​ല്ലാ പ്ര​ഥ​മാ​ധ്യാ​പ​ക​രും ക​റു​ത്ത ബാ​ഡ്ജ് ധ​രി​ച്ച് ജോ​ലി​ക്ക്​ ഹാ​ജ​രാ​ക​ണ​മെ​ന്ന് കേ​ര​ള ഗ​വ. പ്രൈ​മ​റി സ്കൂ​ൾ ഹെ​ഡ്​​മാ​സ്​​റ്റേ​ഴ്​​സ്​ അ​സോ. ആ​ഹ്വാ​നം ചെ​യ്തു. പ്രൈ​മ​റി ഹെ​ഡ്മാ​സ്റ്റ​ർ​മാ​ർ​ക്ക് ശ​മ്പ​ള സ്കെ​യി​ൽ അ​നു​വ​ദി​ക്കു​ന്നി​ല്ലെ​ങ്കി​ൽ തി​രി​ച്ചു​പോ​കാ​ൻ അ​വ​സ​രം ഉ​ണ്ടാ​ക​ണമെന്ന് കേ​ര​ള ഗ​വ. പ്രൈ​മ​റി സ്കൂ​ൾ ഹെ​ഡ്​​മാ​സ്​​റ്റേ​ഴ്​​സ്​ അ​സോ​സി​യേ​ഷ​ൻ സം​സ്ഥാ​ന പ്ര​സി​ഡ​ന്‍റ് ഇ.ടി.​കെ. ഇ​സ്മാ​യി​ൽ ആവശ്യപ്പെട്ടു. അ​ല്ലെ​ങ്കി​ൽ ഇ​ത്ത​രം ദു​ര​ന്ത​ങ്ങ​ൾ​ക്ക് ഇ​നി​യും സാ​ക്ഷ്യം​വ​ഹി​ക്കേ​ണ്ടി വ​ന്നേ​ക്കാം. ശ്രീ​ജ​യു​ടെ വി​ഷ​യ​ത്തി​ൽ അ​ധി​കാ​രി​ക​ളു​ടെ ഭാ​ഗ​ത്തു​നി​ന്നു​ണ്ടാ​യ സ​മീ​പ​നം ഒ​രി​ക്ക​ലും നീ​തീ​ക​രി​ക്കാ​ൻ പ​റ്റു​ന്ന​ത​ല്ലെന്നും അദ്ദേഹം പറഞ്ഞു.

അർഹമായ ശമ്പളമില്ലാതെ നിരവധി പ്രധാനാധ്യാപകർ

കോ​ട്ട​യം: സം​സ്ഥാ​ന​ത്തൊ​ട്ടാ​കെ നി​ര​വ​ധി സ​ർ​ക്കാ​ർ പ്രൈ​മ​റി സ്കൂ​ളു​ക​ളി​ലാ​ണ്​​ സ്ഥാ​ന​ക്ക​യ​റ്റം നേ​ടി​യ പ്ര​ധാ​നാ​ധ്യാ​പ​ക​ർ അ​ർ​ഹ​മാ​യ ശ​മ്പ​ള​വും ആ​നു​കൂ​ല്യ​ങ്ങ​ളും ഇ​ല്ലാ​തെ ജോ​ലി​ചെ​യ്യു​ന്ന​ത്. 2021 ഒ​ക്​​ടോ​ബ​ർ മു​ത​ലാ​ണ്​ യോ​ഗ്യ​ത പ​രി​ഗ​ണി​ക്കാ​തെ സീ​നി​യോ​റി​റ്റി മാ​ത്രം നോ​ക്കി അ​ധ്യാ​പ​ക​ർ​ക്ക്​ ഹെ​ഡ്മാ​സ്റ്റ​ർ​മാ​രാ​യി സ്ഥാ​ന​ക്ക​യ​റ്റം ന​ൽ​കി​യ​ത്. യോ​ഗ്യ​ത സം​ബ​ന്ധി​ച്ച കേ​സ്​ ന​ട​ക്കു​ന്ന​തി​നാ​ൽ അ​ടി​യ​ന്ത​ര​മാ​യി പ്ര​ധാ​നാ​ധ്യാ​പ​ക​രു​ടെ ഒ​ഴി​വ്​ നി​ക​ത്താ​നാ​യി​രു​ന്നു ഈ ​ന​ട​പ​ടി.

12 വ​ര്‍ഷ​ത്തെ അ​ധ്യാ​പ​ന പ​രി​ച​യ​മു​ള്ള, യോ​ഗ്യ​ത പ​രീ​ക്ഷ വി​ജ​യി​ച്ച​വ​രെ​യാ​ണ്​​ ഹെ​ഡ്​​മാ​സ്റ്റ​ർ​മാ​രാ​വാ​ൻ പ​രി​ഗ​ണി​ക്കു​ന്ന​ത്.​ ഇ​തു മ​റി​ക​ട​ന്ന്,​ 50 വ​യ​സ്സ്​ ക​ഴി​ഞ്ഞ​വ​ർ​ക്ക്​ യോ​ഗ്യ​ത പ​രീ​ക്ഷ വേ​ണ്ടെ​ന്ന്​ സ​ർ​ക്കാ​ർ തീ​രു​മാ​ന​മെ​ടു​ത്തു. സ​ർ​ക്കാ​ർ നി​ല​പാ​ടി​നെ​തി​രെ ച​ട്ട​പ്ര​കാ​രം യോ​ഗ്യ​ത​യു​ള്ള​വ​ർ കോ​ട​തി​യി​ൽ പോ​യി.

തു​ട​ർ​ന്ന്​ തീ​രു​മാ​നം അ​ഡ്​​മി​നി​സ്ട്രേ​റ്റി​വ്​ ട്രൈ​ബ്യൂ​ണ​ൽ സ്​​റ്റേ ചെ​യ്തു. ഇ​തോ​ടെ ര​ണ്ടു​വ​ർ​ഷം ഹെ​ഡ്മാ​സ്റ്റ​ർ നി​യ​മ​നം മു​ട​ങ്ങി. സ്കൂ​ൾ തു​റ​ക്കു​ന്ന അ​ടി​യ​ന്ത​ര സാ​ഹ​ച​ര്യ​ത്തി​ൽ സീ​നി​യോ​റി​റ്റി മാ​ത്രം നോ​ക്കി അ​ധ്യാ​പ​ക​രെ നി​യ​മി​ക്കു​ക​യാ​യി​രു​ന്നു. എ​ന്നാ​ൽ, ഇ​വ​ർ​ക്ക്​ ത​സ്തി​ക​ക്ക​നു​സ​രി​ച്ച ശ​മ്പ​ള​വും ആ​നു​കൂ​ല്യ​ങ്ങ​ളും ല​ഭ്യ​മാ​കു​ന്നി​ല്ല.