തിരുവനന്തപുരം: ശബരിമല യുവതീപ്രേവശനം സംബന്ധിച്ച റിവ്യൂ ഹരജിയിൽ സുപ്രീംകോടതി വിധി വരികയാണെങ്കിൽ ആ ഘട്ടത്തിൽ കൂടിയാലോചിച്ച് തീരുമാനമെടുക്കുമെന്ന് മുഖ്യമന്ത്രി പിണറായി വിജയൻ. ശബരിമല വിഷയത്തിൽ സുപ്രീംകോടതി ഒരു വിധി പുറപ്പെടുവിച്ചു. പിന്നീട് അത് റിവ്യൂ നടത്താൻ തീരുമാനിച്ചു.
ശബരിമലയിൽ ഉത്സവം നടക്കുകയാണ്. അവിടെ ഇപ്പോൾ എന്തെങ്കിലും പ്രശ്നം ഉണ്ടായോ. സുപ്രീംകോടതി റിവ്യൂ വിധി വരെട്ട. ശബരിമല വിഷയം എടുത്താൽ നല്ല വോട്ട് കിട്ടുമെന്ന് കരുതിയാണ് യു.ഡി.എഫിലെ ചിലർ ഇപ്പോൾ ആ വിഷയവുമായി വീണ്ടും വരുന്നത്.
വിധി വന്നാൽ എല്ലാ വിഭാഗങ്ങളുമായി ചർച്ച ചെയ്തുള്ള സമീപനമാകും സ്വീകരിക്കുക. ഇത് തെരഞ്ഞെടുപ്പ് പ്രചാരണത്തിനുള്ള ആയുധമായെടുത്താണ് യു.ഡി.എഫ് നീങ്ങുന്നത്. അതിനുപിന്നാലെ തങ്ങൾ പോകുന്നില്ല. തെറ്റായ പ്രചാരണമാണ് നടത്തുന്നത്. വിഷയം ഇപ്പോൾ ചർച്ച ചെയ്യേണ്ട കാര്യമല്ല. സുപ്രീംകോടതിയുടെ റിവ്യുവിെൻറ ഭാഗമായി എന്തെങ്കിലും വിധി വന്നാൽ അപ്പോൾ ചർച്ച ചെയ്യാം.
ശബരിമല വിഷയത്തിൽ നിയമം കൊണ്ടുവരുമെന്ന് മുമ്പും പലരും പറഞ്ഞതാണ്. അവർ എന്തേ നിയമം കൊണ്ടുവരാത്തത്. ശബരിമലയെ വീണ്ടും തെരഞ്ഞെടുപ്പ് വിഷയമാക്കാനാണ് ശ്രമം. അത് ഏശുന്നില്ല. തേദ്ദശെതരഞ്ഞെടുപ്പിലും ഇത്തരം പ്രചാരണം നടത്താൻ നോക്കി. അത് വിജയിച്ചില്ലെന്നും മുഖ്യമന്ത്രി കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.