പത്തനംതിട്ട: ശബരിമലയില് മണ്ഡല ഉത്സവത്തിന് നടതുറന്ന് ആദ്യദിനം വരുമാനം 3.32 കോടി രൂപ. 2018നേക്കാൾ 1.28 കോടി രൂപയുടെ വര ്ധനയാണ് ഇത്തവണയുണ്ടായത്.
തീർഥാടനം വളരെ സുഗമമായി മുന്നോട്ട് പൊയ്ക്കൊണ്ടിരിക്കുകയാണെന്ന് തിരുവിതാംകൂർ ദേവസ്വം ബോർഡ് പ്രസിഡന്റ് എൻ. വാസു പറഞ്ഞു. 40,000 പേര്ക്ക് വരെ അന്നദാനത്തിനുള്ള സൗകര്യം ഇപ്പോഴുണ്ട്. അപ്പം, അരവണ എന്നിവയും ആവശ്യത്തിന് സ്റ്റോക്ക് ഉണ്ടെന്ന് അദ്ദേഹം പറഞ്ഞു.
ശബരിമലയെ പ്ലാസ്റ്റിക് വിമുക്തമാക്കിയുള്ള തീര്ഥാടനമാണ് ലക്ഷ്യം. പ്ലാസ്റ്റിക് ഇപ്പോഴും ഭീഷണിയാണ്. അത് പൂര്ണമായും ഒഴിവാക്കാനായിട്ടില്ല. ഇരുമുടിക്കെട്ടില് നിന്ന് പ്ലാസ്റ്റിക് കൂടുകള് ഒഴിവാക്കുന്നതിന് ദക്ഷിണേന്ത്യന് സംസ്ഥാനങ്ങളില് പ്രചാരണം നടത്തുന്നുണ്ടെന്നും പ്രസിഡന്റ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.