നിലക്കൽ: ശബരിമലയിൽ സംഘർഷങ്ങൾക്കും സമരങ്ങൾക്കും പൊലീസ് കൂച്ചുവിലങ്ങിട്ടതോടെ ഒരാഴ്ചക്കുശേഷം നിലക്കൽ-പമ്പ കെ.എസ്.ആർ.ടി.സി ചെയിൻ സർവിസ് ഷെഡ്യൂളുകളിൽ വൻ വർധന. വെള്ളിയാഴ്ച എഴുന്നൂറോളം എ.സി, നോൺ എ.സി, ഇലട്രിക് ബസ് ഷെഡ്യൂളുകളാണ് നിലക്കൽ ഡിപ്പോയിൽനിന്ന് കെ.എസ്.ആർ.ടി.സി നടത്തിയത്. വ്യാഴാഴ്ച 358 ഷെഡ്യൂളായിരുന്നു. നവംമ്പർ 16ന് നടതുറന്ന ശേഷമുള്ള കെ.എസ്.ആർ.ടി.സിയുടെ ഉയർന്ന ചെയിൻ സർവിസായിരുന്നു വെള്ളിയാഴ്ചത്തേത്.
ആർ.എസ്.എസ്-സംഘ്പരിവാർ പ്രതിഷേധങ്ങളും സമരങ്ങളുമില്ലെങ്കിൽ വരുംദിവസങ്ങളിലും കൂടുതൽ ഭക്തർ സന്നിധാനത്തേക്ക് എത്തുമെന്നുതന്നെയാണ് അധികൃതരുടെ പ്രതീക്ഷ. നിലക്കലിൽനിന്ന് നിലവിൽ പമ്പയിലേക്ക് 152 എ.സി-നോൺ എ.സി ബസുകളും പമ്പയിൽനിന്ന് 70 എ.സി-നോൺ എ.സി ബസുകളുമാണ് കെ.എസ്.ആർ.ടി.സി ഓപറേറ്റ് ചെയ്യുന്നത്. ഇതിന് പുറേമ മൂന്ന് ഇലക്ട്രിക് ബസുകളും സർവിസ് നടത്തുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.