കൊച്ചി: കുമ്പളത്ത് ശകുന്തള എന്ന സ്ത്രീയെ കൊലപ്പെടുത്തി വീപ്പക്കുള്ളിലാക്കി കോൺക്രീറ്റ് നിറച്ച കേസിൽ മകളെ പൊളിഗ്രാഫ് പരിശോധനക്ക് വിധേയയാക്കും. പരിശോധനക്ക് തയറാണെന്ന് അറിയിച്ച് ശകുന്തളയുെട മകൾ പൊലീസിന് കത്തു നൽകിയിരുന്നു.
കൊലപാതകത്തിൽ തൃപ്പൂണിത്തുറ എരൂര് സ്വദേശി സജിത്താണ് പ്രതി. ശകുന്തളയുടെ മൃതദേഹം കണ്ടെത്തി ദിവസങ്ങള്ക്കുള്ളില് സജിത്തിനേയും മരിച്ചനിലയില് കണ്ടെത്തിയിരുന്നു.
സജിത്തും ശകുന്തളയുടെ മകളും തമ്മില് അടുപ്പമുണ്ടായിരുന്നു. ഈ അടുപ്പം ശകുന്തള ചോദ്യം ചെയ്താണ് കൊലപാതകത്തിന് കാരണമായത്. പിടിക്കപ്പെടുമെന്ന് ഉറപ്പായതോടെ സജിത്ത് ജീവനൊടുക്കുകയായിരുന്നോ അതോ ഇയാളുടെ മരണത്തിന് പിന്നിലും മറ്റാര്ക്കെങ്കിലും പങ്കുണ്ടോ തുടങ്ങിയ കാര്യങ്ങളും അന്വേഷിച്ച് വരുകയാണ്. സജിത്തിൻെറ മൃതദേഹത്തില് നടത്തിയ പരിശോധനയില് പൊട്ടാസിയം സയനൈഡിൻെറ സാന്നിധ്യം കണ്ടെത്തിയിരുന്നു
വീപ്പ കായലില് കൊണ്ടിടാന് സജിത്തിനെ സഹായിച്ചവരേയും പൊലീസ് തിരിച്ചറിഞ്ഞു. തങ്ങള്ക്ക് ഇതിനുള്ളില് മൃതദേഹമാണെന്ന് അറിയില്ലായിരുന്നുവെന്നാണ് സഹായിച്ചവര് പൊലീസിനോട് പറഞ്ഞത്. മയക്കുമരുന്ന് ഇടപാടുകാര് അടക്കമുള്ളവരെക്കുറിച്ചും മറ്റും എക്സൈസിനും പൊലീസിനും വിവരം നല്കിയിരുന്ന ഇന്ഫോര്മറായിരുന്നു മരിച്ച സജിത്ത്
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.