കൊച്ചി: ആറ് വയസ്സുകാരിയെ നഴ്സറിയിൽ പീഡിപ്പിച്ച കേസിൽ പ്രതിക്ക് 30 വർഷം കഠിന തട വ്. പട്ടിമറ്റം കുമ്മനോട് സ്വദേശി അബ്ദുൽ മജീദിനെയാണ് (42) എറണാകുളം അഡീഷനൽ സെഷൻ സ് (സ്ത്രീകൾക്കും കുട്ടികൾക്കുമെതിരായ അതിക്രമം പരിഗണിക്കുന്ന പ്രത്യേക കോടതി) ജഡ്ജി പി.ജെ.വിൻസൻറ് ശിക്ഷിച്ചത്.
2016 ജൂൺ 25നാണ് കേസിനാസ്പദമായ സംഭവം. പട്ടിമറ്റം െപാലീസാണ് പ്രതിയെ അറസ്റ്റ് ചെയ്തത്. മൂന്ന് വകുപ്പുകളിലായി ആകെ 30 വർഷമാണ് ശിക്ഷ വിധിച്ചതെങ്കിലും ഒരുമിച്ച് 10 വർഷം അനുഭവിച്ചാൽ മതി.
അതേസമയം, ഒാരോ വകുപ്പിലും 10,000 വീതം 30,000 രൂപ പിഴ അടക്കണം. ഇതിൽ വീഴ്ച വരുത്തിയാൽ മൂന്ന് വർഷം കൂടി തടവ് അനുഭവിക്കണം. പ്രതി പിഴ സംഖ്യ നൽകിയാൽ ഇരക്ക് നൽകാനാണ് നിർദേശം. െപൺകുട്ടി അടക്കം 13 സാക്ഷികളെയാണ് വിസ്തരിച്ചത്. 10 രേഖകളും ഹാജരാക്കി. ഇരക്ക് കൂടുതൽ നഷ്ടപരിഹാരം നൽകാൻ വിക്ടിം കോംപൻസേഷൻ ആക്ട് പ്രകാരം വിധി പകർപ്പ് ജില്ല ലീഗൽ സർവിസസ് അതോറിറ്റിക്ക് കൈമാറാനും കോടതി നിർദേശിച്ചിട്ടുണ്ട്. സ്പെഷൽ പ്രോസിക്യൂട്ടർ ബി.സന്ധ്യ റാണി പ്രോസിക്യൂഷനുവേണ്ടി ഹാജരായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.