ബി.ജെ.പിയും സി.പി.എമ്മും ഒരേ തൂവൽ പക്ഷികൾ -ചെന്നിത്തല

കാസർകോട്​: ബി.ജെ.പിയും സി.പി.എമ്മും ഒരേ തൂവൽ പക്ഷികളെ പോലെ പ്രവർത്തിക്കുകയാണെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. ഐശ്വര്യ കേരളയാത്ര രണ്ടാംദിന പര്യടനത്തിനു മുമ്പ്​ മാധ്യമങ്ങളോട്​ സംസാരിക്കുകയായിരുന്നു അദ്ദേഹം. കോൺഗ്രസിനെയും യു.ഡി.എഫിനെയും ഇല്ലായ്​മ ചെയ്യുക എന്നതാണ്​ രണ്ടു പേരുടെയും ലക്ഷ്യം. അവർ തമ്മിലുള്ള അന്തർധാരയും ബലപ്പെടുകയാണ്​ എന്നതി​െൻറ സൂചനകളാണ്​ തില്ല​ങ്കേരി മോഡൽ. ബി.ജെ.പിയുടെ രാഷ്​ട്രീയ പ്രവർത്തനമാണ്​ മിസോറാം ഗവർണർ കസേരയിലിരുന്ന്​ ശ്രീധരൻ പിള്ള ചെയ്യുന്നത്​.

ചലച്ചിത്ര അവാർഡ്​ നേരിട്ടു ​​കൊടുക്കാതെ ചലച്ചിത്ര പ്രവർത്തകരെ അപമാനിച്ചിരിക്കുകയാണ്​ മുഖ്യമന്ത്രിയെന്നും അദ്ദേഹം കൂട്ടിച്ചേർത്തു.ഐശ്വര്യ യാത്രക്ക്​ വമ്പിച്ച ജനപിന്തുണയാണുണ്ടാകുന്നത്​. ഇടത്​ ഭരണത്തോടുള്ള കടുത്ത എതിർപ്പ്​ സ്വീകരണങ്ങളിൽ നിന്നും വ്യക്​തമാണ്​. സർക്കാരി​െൻറ പ്രവർത്തനങ്ങൾ വിലയിരുത്തിയാൽ വട്ടപ്പൂജ്യമാണ്​ നൽകാനാവുക. ജില്ലയോടുള്ള അവഗണന സർക്കാർ തുടരുകയാണ്​. സർക്കാർ പ്രഖ്യാപിച്ച ഒരു ആശ്വാസ നടപടിയും എൻഡോസൾഫാൻ ദുരിതബാധിതർക്ക്​ ലഭിക്കുന്നില്ല. ഡി.വൈ.എഫ്​.ഐ സുപ്രീംകോടതിയിൽ പോയി നേടിയ ഉത്തരവ്​ പോലും നടപ്പാക്കാൻ സർക്കാർ തയാറാവുന്നില്ല. യു.ഡി.എഫ്​ അധികാരത്തിൽ വന്നാൽ ജില്ലക്ക്​ മുന്തിയ പരിഗണന നൽകും. കാസ​ർകോട്​ മെഡിക്കൽ പൂർത്തീകരിക്കും. സമഗ്ര വികസനത്തിന്​ നടപടി സ്വീകരിക്കും.കേന്ദ്ര സർക്കാരി​െൻറ അനാസ്​ഥയുടെയും സംസ്​ഥാന സർക്കാരി​െൻറ പിടിപ്പുകേടി​െൻറയും ഉദാഹരണമാണ്​ ഭെൽ. രാജ്​മോഹൻ ഉണ്ണിത്താൻ എം.പി ബുധനാഴ്​ച ഈ വിഷയം പാർലമെൻറിൽ ഉന്നയിക്കും.

ശമ്പള പരിഷ്​കരണത്തിൽ പൊലീസുകാരെ പാടേ തഴഞ്ഞിരിക്കുകയാണ്​.ഇത്​ പുനഃപരിശോധിക്കണം. മുന്നാക്ക സമുദായത്തിനുള്ള 10 ശതമാനം സംവരണത്തെ യു.ഡി.എഫ്​ ഇപ്പോഴും സ്വാഗതംചെയ്യുന്നു. പിന്നാക്ക സമുദായങ്ങൾക്കുള്ള കിട്ടിക്കൊണ്ടിരിക്കുന്ന ആനുകൂല്യങ്ങൾ നഷ്​ടമാവരുത്​ എന്നു മാത്രമാണ്​ മുസ്​ലിംലീഗ്​ പറഞ്ഞത്​. അതിൽ എന്താണ്​ തെറ്റ്​? ക്രൈസ്​തവ, മുസ്​ലിം ജനവിഭാഗങ്ങൾക്കിടയിൽ സി.പി.എം തെറ്റിദ്ധാരണ പരത്തുകയാണ്​. ഇതിനായി വ്യാപക പ്രചരണമാണ്​ നടത്തുന്നത്​.

കേരള യാത്ര അവസാനിക്കു​േമ്പാഴേക്ക്​ തർക്കങ്ങളില്ലാതെ സീറ്റു വിഭജനം പൂർത്തിയാക്കി സ്​ഥാനാർഥി പട്ടിക പുറത്തിറക്കാനാവുമെന്നാണ്​ പ്രതീക്ഷിക്കുന്ന​തെന്ന്​ ചോദ്യത്തിനു മറുപടിയായി അദ്ദേഹം പറഞ്ഞു.