രാഖി വധം: പ്രതികൾ നടത്തിയത്​ ആസൂത്രിത മുന്നൊരുക്കങ്ങൾ

തി​രു​വ​ന​ന്ത​പു​രം: പൂ​വാ​ർ സ്വ​ദേ​ശി​നി രാ​ഖി​മോ​ളെ (30) കൊ​ല്ലു​ന്ന​തി​ന്​ പ്ര​തി​ക​ൾ ന​ട​ത്തി​യ​ത്​ ആ​ സൂ​ത്രി​ത മു​ന്നൊ​രു​ക്ക​ങ്ങ​ളെ​ന്ന്​ അ​ന്വേ​ഷ​ണ​സം​ഘം ക​ണ്ടെ​ത്തി. പു​തി​യ വീ​ട്​ കാ​ണാ​നെ​ന്ന്​ പ​റ​ഞ് ഞ്​ കാ​മു​ക​ൻ​കൂ​ടി​യാ​യ പ​ട്ടാ​ള​ക്കാ​ര​ൻ അ​ഖി​ലേ​ഷാ​ണ്​ രാ​ഖി​യെ കാ​റി​ൽ അ​മ്പൂ​രി​യി​ലെ​ത്തി​ച്ച്​ കെ ാ​ല ന​ട​ത്തി​യ​തെ​ന്നാ​ണ്​ അ​ന്വേ​ഷ​ണ​സം​ഘ​ത്തി​​െൻറ നി​ഗ​മ​നം. ഇ​തി​നു​ശേ​ഷം, അ​ഖി​ലേ​ഷ്​ ബം​ഗാ​ളി​ലേ​ക്ക്​ ക​ട​ന്ന​താ​യും പൊ​ലീ​സ്​ സം​ശ​യി​ക്കു​ന്നു. ഏ​റെ​ക്കാ​ല​മാ​യി പ്ര​ണ​യ​ത്തി​ലാ​യി​രു​ന്നു അ​ഖി​ലേ​ഷും രാ​ഖി​യും. അ​ഖി​ലേ​ഷി​നു​ വേ​റെ വി​വാ​ഹം നി​ശ്ച​യി​ച്ച​തി​നെ​ത്തു​ട​ര്‍ന്നാ​ണ്​ പ്ര​ശ്​​ന​ങ്ങ​ളു​ടെ തു​ട​ക്കം.

അ​ഖി​ലേ​ഷി​നൊ​പ്പം ജീ​വി​ക്ക​ണ​മെ​ന്ന നി​ല​പാ​ടി​ലാ​യി​രു​ന്നു രാ​ഖി​മോ​ള്‍. ദി​വ​സ​ങ്ങ​ള്‍ നീ​ണ്ട ത​ര്‍ക്ക​ത്തി​നൊ​ടു​വി​ല്‍ അ​ഖി​ലേ​ഷ്​ സ്നേ​ഹ​ത്തോ​ടെ ക്ഷ​ണി​ച്ച​തി​നെ​ത്തു​ട​ര്‍ന്നാ​ണ് അ​ഖി​ലേ​ഷ്​ പു​തു​താ​യി നി​ർ​മി​ക്കു​ന്ന അ​മ്പൂ​രി ത​ട്ടാ​ന്‍മു​ക്കി​ലെ വീ​ട്ടി​ലേ​ക്ക്​ പോ​കാ​ൻ രാ​ഖി ത​യാ​റാ​യ​തെ​ന്ന്​ അ​ന്വേ​ഷ​ണ​സം​ഘം പ​റ​യു​ന്നു.

ജൂ​ണ്‍ 21ന് ​രാ​ത്രി എ​ട്ട​ര​യോ​ടെ​യാ​ണ്​ അ​ഖി​ലേ​ഷ്​ രാ​ഖി​യു​മാ​യി അ​മ്പൂ​രി​യി​ലെ വീ​ട്ടി​ലെ​ത്തി​യ​ത​ത്രെ. ഇ​വി​ടെ വെ​ച്ചും പ്ര​ണ​യ​ത്തി​ൽ​നി​ന്ന്​ പി​ന്മാ​റ​ണ​മെ​ന്ന്​ ഇ​യാ​ൾ ആ​വ​ശ്യ​പ്പെ​െ​ട്ട​ങ്കി​ലും രാ​ഖി വി​സ​മ്മ​തി​ച്ചു. തു​ട​ർ​ന്ന്​ രാ​ഖി​യെ ക​ഴു​ത്തു ഞെ​രി​ച്ച്​ കൊ​ല​പ്പെ​ടു​ത്തു​ക​യാ​യി​രു​ന്ന​ത്രെ. രാ​ഖി​യു​ടെ നി​ല​വി​ളി പു​റ​ത്തു കേ​ള്‍ക്കാ​തി​രി​ക്കാ​ന്‍ സു​ഹൃ​ത്തും കൂ​ട്ടു​പ്ര​തി​യു​മാ​യ ആ​ദ​ർ​ശ്​ വീ​ടി​നു​മു​ന്നി​ലു​ണ്ടാ​യി​രു​ന്ന കാ​ര്‍ സ്​​റ്റാ​ർ​ട്ട്​ ചെ​യ്ത് ആ​ക്സി​ലേ​റ്റ​റി​ല്‍ കാ​ല്‍ അ​മ​ര്‍ത്തി​െ​വ​ച്ച​താ​യി പൊ​ലീ​സ് പ​റ​യു​ന്നു. രാ​ഖി കൊ​ല്ല​പ്പെ​ട്ടെ​ന്ന്​ ഉ​റ​പ്പാ​ക്കി അ​ഖി​ലേ​ഷ്​ വീ​ടി​നു പു​റ​ത്തു​വ​രു​ന്ന​തു​വ​രെ ഈ ​പ്ര​വൃ​ത്തി സു​ഹൃ​​ത്ത്​ തു​ട​ര്‍ന്ന​ത്രേ. ബ​ന്ധ​ത്തി​ല്‍നി​ന്ന് രാ​ഖി പി​ന്മാ​റി​യി​ല്ലെ​ങ്കി​ല്‍ കൊ​ല​പ്പെ​ടു​ത്താ​ൻ നേ​ര​ത്തേ​ത​ന്നെ പ​ദ്ധ​തി ത​യാ​റാ​ക്കി​യി​രു​ന്നു. മാ​ത്ര​മ​ല്ല, ജ​ഡം മ​റ​വു​ചെ​യ്യാ​ൻ കു​ഴി​യെ​ടു​ക്കു​ക​യും കു​ഴി​യി​ല്‍ നി​റ​ക്കാ​ൻ ഉ​പ്പ്​ വീ​ട്ടി​ലെ​ത്തി​ക്കു​ക​യും ചെ​യ്​​തി​രു​ന്നു.