സ​​​ത്യം പു​​​റ​​​ത്തു​​​വ​​​രാ​​​തി​​​രി​​​ക്കാ​​​ൻ  പൊ​​​ലീ​​​സ്​ ശ്ര​​​മി​​​ക്കു​​​ന്നു –പ​​​ൾ​​​സ​​​ർ സു​​​നി

നെടുമ്പാശ്ശേരി: ചലച്ചിത്ര നടിയെ ആക്രമിച്ച സംഭവവുമായി ബന്ധപ്പെട്ട് സത്യം പലതും പുറത്തുവരാതിരിക്കാൻ പൊലീസ് ശ്രമിക്കുന്നതായി കേസിലെ മുഖ്യപ്രതി പൾസർ സുനി. ആലുവ കോടതി വളപ്പിൽ വാർത്തലേഖകരോടാണ് സുനി ഇക്കാര്യം പറഞ്ഞത്. ജാമ്യത്തിലിറങ്ങുമ്പോൾ തനിക്ക് പറയാനുള്ളതും കേൾക്കാൻ മാധ്യമങ്ങൾ സന്മനസ്സ് കാണിക്കണം. തെളിവെടുപ്പ് പൂർത്തിയാക്കിയിട്ടും ത​െൻറ ജാമ്യത്തെ എതിർക്കുന്നത് സത്യം പുറംലോകം അറിയുമെന്നതുകൊണ്ടാണ്. ചലച്ചിത്രതാരത്തിന് പങ്കുണ്ടോയെന്ന ചോദ്യത്തിന് ജാമ്യത്തിലിറങ്ങുമ്പോൾ എല്ലാം പറയാമെന്നായിരുന്നു ഇയാളുടെ മറുപടി.  അതേസമയം, പൊലീസ് നിരന്തരം മാനസികമായി പീഡിപ്പിക്കുകയാണെന്ന് പറഞ്ഞപ്പോൾ രേഖാമൂലം വിവരങ്ങൾ എഴുതി നൽകാൻ കോടതി സുനിയോട് ആവശ്യപ്പെട്ടു.