കു​റി​ക്ക​ല്യാ​ണം പു​ന​രാ​വി​ഷ്ക​രി​ച്ച് പൂ​ങ്ങോ​ട് ഗ്രാ​മം

കാ​ളി​കാ​വ്: പ​ഴ​മ​ക്കാ​രു​ടെ ക​രു​ത​ലി​ന്റെ​യും ധ​ന​ശേ​ഖ​ര​ണ​ത്തി​ന്റെ​യും സു​ഗ​മ​മാ​ർ​ഗ​മാ​യി മ​ല​ബാ​റു​കാ​ർ ന​ട​ത്തി​പ്പോ​ന്നി​രു​ന്ന കു​റി​ക്ക​ല്യാ​ണം പു​ന​രാ​വി​ഷ്ക​രി​ച്ച് കാ​ളി​കാ​വ് പൂ​ങ്ങോ​ട് ഗ്രാ​മം. പൂ​ങ്ങോ​ട് ഗ​വ.​എ​ൽ.​പി സ്കൂ​ളി​ന്റെ ശ​താ​ബ്ദി ആ​ഘോ​ഷ​ങ്ങ​ൾ​ക്ക് ഫ​ണ്ട് ക​ണ്ടെ​ത്താ​നാ​ണ് പ​രി​പാ​ടി. വി​വാ​ഹം, ഗൃ​ഹ​പ്ര​വേ​ശം തു​ട​ങ്ങി പ​ണ​ച്ചെ​ല​വു​ള്ള ആ​ഘോ​ഷ​ങ്ങ​ൾ​ക്ക് വേ​ഗ​ത്തി​ൽ പ​ണം ക​ണ്ടെ​ത്താ​നു​ള്ള സ​ഹ​ക​ര​ണ പ്ര​സ്ഥാ​ന​മാ​യാ​ണ് പ​ഴ​മ​ക്കാ​ർ കു​റി​ക്ക​ല്യാ​ണം ക​ണ്ടി​രു​ന്ന​ത്. തി​രി​ച്ചു​ചോ​ദി​ക്കാ​തെ വാ​യ്പ ന​ൽ​കു​ന്ന സ​ഹാ​യ പ​ദ്ധ​തി​യാ​ണ് കു​റി​ക്ക​ല്യാ​ണം. എ​ന്നാ​ൽ പൂ​ങ്ങോ​ടി​ൽ വ്യ​ക്തി​പ​ര​മാ​യ സ​ഹാ​യ​പ​ദ്ധ​തി​യാ​യി​ട്ട​ല്ല, പൂ​ങ്ങോ​ട് ഗ​വ.​എ​ൽ.​പി സ്കൂ​ൾ ശ​താ​ബ്ദി ആ​ഘോ​ഷ​ങ്ങ​ൾ​ക്ക് ഫ​ണ്ട് ക​ണ്ടെ​ത്താ​നാ​ണ് ന​ട​ത്തു​ന്ന​ത്.

പൂ​ർ​വ വി​ദ്യാ​ർ​ഥി​ക​ളാ​ണ് കു​റി​ക്ക​ല്യാ​ണം ഒ​രു​ക്കു​ന്ന​ത്. കു​റി​ക്ക​ല്യാ​ണ​ത്തി​ൽ പ​ങ്കെ​ടു​ക്കു​ന്ന​വ​ർ ക​ഴി​യാ​വു​ന്ന തു​ക സ​ഹാ​യ​മാ​യി ന​ൽ​കും. ന​ൽ​കി​യ തു​ക ആ​രും തി​രി​ച്ചു​ചോ​ദി​ക്കി​ല്ല. പ്ര​ത്യേ​ക സാ​ഹ​ച​ര്യ​ത്തി​ൽ മ​റ്റു​ള്ള​വ​ർ ധ​ന ശേ​ഖ​ര​ത്തി​ന് കു​റി​ക്ക​ല്യാ​ണം ന​ട​ത്തു​മ്പോ​ൾ തി​രി​ച്ചും സ​ഹാ​യി​ക്ക​ണ​മെ​ന്ന​താ​ണ് അ​ലി​ഖി​ത നി​യ​മം. പ​ഴ​മ​യു​ടെ ത​നി​മ ന​ഷ്ട​പ്പെ​ടാ​തെ ഒ​രു​ക്കി​യ ചാ​യ​മ​ക്കാ​നി​യും മ​ക്കാ​നി​ക്കു ചു​റ്റും തീ​ർ​ത്ത മു​ൾ​വേ​ലി​യും ചാ​ടി​ക്ക​ട​ക്കാ​ൻ പാ​ക​ത്തി​ൽ മു​ള​ങ്ക​ടാ​യി​യും പ​ഴ​മ​യു​ടെ വീ​ണ്ടെ​ടു​പ്പാ​ണ്. കു​റി​ക്ക​ല്യാ​ണം കൂ​ടി​യ ആ​ളു​ക​ൾ​ക്ക് ന​ൽ​കു​ന്ന ചാ​യ​യി​ലും ക​ടി​യി​ലു​മു​ണ്ട് പ​ഴ​മ​യു​ടെ പു​തു​മ. പൊ​റോ​ട്ട, അ​വി​ൽ, പു​ട്ട്, മ​ട​ക്ക്, നു​റു​ക്ക് തു​ട​ങ്ങി​യ​വ​യു​മു​ണ്ട്. കു​റി​ക്ക​ല്യാ​ണ​ത്തി​ന് അ​ഭ്യ​ർ​ഥ​ന​ക്ക​ത്തും വി​ത​ര​ണം ചെ​യ്തി​രു​ന്നു.

എ​ഴു​തി ത​യാ​റാ​ക്കി​യ ക​ത്ത് നാ​ട്ടി​ലു​ള്ള​വ​ർ​ക്ക് നേ​രി​ട്ടും മ​റ്റു​ള്ള​വ​ർ​ക്ക് സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യും വി​ത​ര​ണം ചെ​യ്തു. ക്ഷ​ണ​ക്ക​ത്തി​ൽ പൂ​ങ്ങോ​ടി​ന്റെ പ​ഴ​യ പേ​രാ​യ മീ​മ്പ​റ​മ്പ് എ​ന്നാ​ണ് ചേ​ർ​ത്ത​ത്. പ​ഴ​യ സി​നി​മ പോ​സ്റ്റ​ർ, പെ​ട്രോ​മാ​ക്സ്, മു​റു​ക്കാ​ൻ ക​ട, കാ​തു​ക​ൾ​ക്ക് ഇ​മ്പ​മേ​കു​ന്ന പെ​ട്ടി​പ്പാ​ട്ടു​ക​ളും തു​ട​ങ്ങി​യ​വ​യും ഒ​രു​ക്കി​യി​ട്ടു​ണ്ട്. കൗ​തു​ക​ത്തോ​ടെ​യാ​ണ് കു​റി​ക്ക​ല്യാ​ണ​ത്തി​ന് നാ​ട്ടു​കാ​ർ ഒ​ഴു​കി​യെ​ത്തി​യ​ത്. പൂ​ങ്ങോ​ട് സ്കൂ​ൾ ശ​താ​ബ്ദി ഗം​ഭീ​ര​മാ​ക്കാ​ൻ ന​ല്ല തു​ക ക​ണ്ടെ​ത്താ​ൻ ക​ഴി​യു​മെ​ന്ന പ്ര​തീ​ക്ഷ​യി​ലാ​ണ് സം​ഘാ​ട​ക​ർ. പ​ഴ​മ​യു​ടെ ജീ​വി​ത പ​രി​സ​ര​വും സാ​മ്പ​ത്തി​ക ശാ​സ്ത്ര​വും പു​ന​രാ​വി​ഷ്ക​രി​ച്ച് പു​തു ത​ല​മു​റ​ക്ക് പ​രി​ച​യ​പ്പെ​ടു​ത്ത​ലും ല​ക്ഷ്യ​മാ​ണ്.