കൊച്ചി: ഐ.ജി ഓഫീസ് മാര്‍ച്ചിനിടെയുണ്ടായ ലാത്തി ചാര്‍ജിൽ തനിക്കേറ്റ പരിക്ക് സംബന്ധിച്ച് കലക്ടര്‍ക്ക് പൊലീസ് നല്‍കിയ റിപ്പോര്‍ട്ട് വ്യാജമാണെന്ന് എല്‍ദോ എബ്രഹാം എം.എല്‍.എ.
കൈ ഒടിഞ്ഞെന്ന് താൻ ഒരിടത്തും പറഞ്ഞിട്ടില്ല. പൊട്ടലുണ്ടെന്നാണ് പറഞ്ഞത്. ഇടത് കൈക്ക് പൊട്ടലേറ്റെന്ന് മെഡിക്കല്‍ റിപ്പോര്‍ട്ടിലുണ്ടെന്നും എം.എൽ.എ വ്യക്തമാക്കി.
ലാത്തിച്ചാര്‍ജില്‍ എല്‍ദോ എബ്രഹാം എം.എല്‍.എയുടെ കൈയൊടിഞ്ഞിട്ടില്ലെന്നായിരുന്നു ആശുപത്രി രേഖ. ഇതു സംബന്ധിച്ച റിപ്പോർട്ട് പൊലീസ് കലക്ടര്‍ക്ക് കൈമാറിയിരുന്നു. അതേസമയം ലാത്തി ചാര്‍ജില്‍ എം.എല്‍.എയുടെ ഇടത് കൈ ഒടിഞ്ഞെന്നായിരുന്നു സി.പി.ഐ ജില്ലാ നേതൃത്വം വ്യക്തമാക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.