പ്രതിപക്ഷത്തിൻെറ ആക്ഷേപങ്ങൾ നിരാകരിക്കുന്ന വിധി -മുഖ്യമന്ത്രി

തിരുവനന്തപുരം: സ്​പ്രിൻക്ലർ കരാറുമായി ബന്ധപ്പെട്ട്​ പ്രതിപക്ഷത്തിൻെറ ആക്ഷേപങ്ങൾ നിരാകരിക്കുന്ന വിധിയാണ്​ ഹൈകോടതിയിൽ നിന്ന്​ ഉണ്ടായതെന്ന്​ മുഖ്യമന്ത്രി പിണറായി വിജയൻ. കരാർ റദ്ദാക്കുകയോ സ്​റ്റേ ചെയ്യു​കയോ വേണമെന്നായിരുന്നു പ്രതിപക്ഷത്തിൻെറ ആവശ്യം. കോടതി ഇത്​ നിരാകരിച്ചു. ശേഖരിക്കുന്ന ഡേറ്റ സുരക്ഷിതമായിരിക്കുമെന്ന്​ കോടതിയിൽ സത്യവാങ്​മൂലത്തിലൂടെ അറിയിച്ചിട്ടുണ്ടെന്നും മുഖ്യമന്ത്രി പറഞ്ഞു.

കോടതിയുടെ ചോദ്യങ്ങൾ നിഗമനമായി കാണാനാവില്ല. കോടതി ഉത്തരവ്​ സർക്കാറിൻെറ നിലപാട്​ ശക്​തപ്പെടുത്തുന്നതാണ്​. ലോക്​ഡൗൺ കാലത്ത്​ പല മൗലികാവകാശങ്ങളും ലഭ്യമല്ല. അതുപോലെ അസാധാരണമായി സാഹചര്യത്തിൽ എടുത്ത നടപടിയാണ്​ സ്​പ്രിൻക്ലർ കരാറെന്നും മുഖ്യമന്ത്രി വ്യക്​തമാക്കി.