കണ്ണൂർ: പിണറായി കൊലപാതക പരമ്പരയിലെ പ്രതി സൗമ്യയുടെ മൃതദേഹം ഏറ്റുവാങ്ങില്ലെന്ന് ബന്ധുക്കൾ. സൗമ്യയുടെ മരണത്തിൽ ദുരൂഹതയുണ്ടെന്നും അതുകൊണ്ടുതന്നെ മൃതദേഹം ഏറ്റുവാങ്ങുന്നില്ലെന്നും സഹോദരി കണ്ണൂര് സെന്ട്രൽ ജയില് സൂപ്രണ്ടിനെ അറിയിക്കുകയായിരുന്നു. കേസ് അന്വേഷണം സംബന്ധിച്ചും ബന്ധുക്കൾക്കിടയിൽ അതൃപ്തിയുണ്ട്. പൊലീസ് അന്വേഷണം അട്ടിമറിക്കുകയായിരുന്നുവെന്നും സൗമ്യ പ്രതിചേർക്കപ്പെട്ട കൊലപാതകങ്ങളിൽ മറ്റു ചിലർക്കും പങ്കുണ്ടെന്നും ബന്ധുക്കൾ ആരോപിക്കുന്നു.
സൗമ്യയുടെ ഫോണ്വിളികളുടെ വിവരങ്ങള് പൊലീസ് പരിശോധിച്ചിരുന്നു. എന്നാൽ, ഇതിൽ മറ്റ് ആളുകളുമായി ബന്ധപ്പെട്ട ആരോപണങ്ങൾ ശരിവെക്കുന്ന പരാമർശങ്ങളില്ലെന്നാണ് പൊലീസ് പറയുന്നതെന്നും ഇക്കാര്യത്തിൽ സംശയം ബാക്കി നിൽക്കുന്നുവെന്നുമാണ് ബന്ധുക്കൾ പറയുന്നത്. മൃതദേഹം ഏറ്റുവാങ്ങാൻ ആളില്ലെങ്കിൽ നടപടികൾക്കു ശേഷം പയ്യാമ്പലത്ത് സംസ്കാരം നടത്തുമെന്ന് ടൗൺ പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.