കോട്ടയം: ഓണത്തിന് കൂടുതൽ അന്തർസംസ്ഥാന സർവിസുമായി കെ.എസ്.ആർ.ടി.സി. സെപ്റ്റംബ ർ നാലുമുതൽ ബംഗളൂരുവിൽനിന്ന് കോഴിക്കോട്, തൃശൂർ, എറണാകുളം, കോട്ടയം, കണ്ണൂർ, പയ് യന്നൂർ എന്നിവിടങ്ങളിലേക്കും തിരിച്ചുമായിരിക്കും ആദ്യഘട്ട സർവിസ് ആരംഭിക്കുക. പ്രത്യേക സർവിസിനുള്ള എല്ലാ നടപടികളും പൂർത്തിയാക്കിയെന്ന് കെ.എസ്.ആർ.ടി.സി ഒപറേറ്റിങ് വിഭാഗം അറിയിച്ചു. ബംഗളൂരുവിൽനിന്ന് കേരളത്തിലേക്ക് സെപ്റ്റംബർ 14 വരെയും തിരിച്ച് 16 വരെയുമാണ് ഷെഡ്യൂൾ തയാറാക്കിയിട്ടുള്ളത്.
സ്വകാര്യ ബസുകളുടെ ചൂഷണം തടയാനുള്ള നടപടികളുടെ ഭാഗമായി ഈ സർവിസുകളിലേക്ക് മുൻകൂർ റിസർവേഷനും ആരംഭിച്ചു. തിരക്ക് വർധിക്കുന്നതനുസരിച്ച് കൂടുതൽ സർവിസ് ആരംഭിക്കും. എക്സ്പ്രസ്, ഡീലക്സ് ബസുകളാവും സർവിസ് നടത്തുക. ബസുകളുടെ സമയവിവര പട്ടികയും പ്രസിദ്ധീകരിച്ചു. ഓണക്കാലത്ത് മലയാളികളെ പിഴിയുന്ന സ്വകാര്യ ബസുകളുടെ നടപടിക്കെതിരെ പരിശോധനകളും ശക്തമാക്കും. എന്നാൽ, ബഹുഭൂരിപക്ഷം സീറ്റുകളും ഇതിനകം റിസർവ് ചെയ്തതായാണ് വിവരം. കെ.എസ്.ആർ.ടി.സിയുടെ ബംഗളൂരുവിൽനിന്നുള്ള റിസർവേഷനും വലിയ തിരക്കാണ് അനുഭവപ്പെടുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.