ആലുവ: കുപ്രസിദ്ധ ഗുണ്ട ആലപ്പുഴ സ്വദേശി വടിവാൾ വിനീതിനെ ആലുവയിൽനിന്ന് എറണാകുളം റൂറൽ ജില്ല ഡാൻസാഫും ആലപ്പുഴ എസ്.പിയുടെ സ്ക്വാഡും ചേർന്ന് സാഹസികമായി പിടികൂടി. അമ്പതിലേറെ കേസുകളിലെ പ്രതിയായ എടത്വ പുത്തൻപുരയ്ക്കൽ നഗറിൽ വിനീത് (25) മുങ്ങിനടക്കുകയായിരുന്നു.
രഹസ്യവിവരത്തിന്റെ അടിസ്ഥാനത്തിൽ ബുധനാഴ്ച രാവിലെ 11ഓടെ പൊലീസ് സംഘം ആലുവ കെ.എസ്.ആർ.ടി.സി ബസ് സ്റ്റാൻഡിൽനിന്നാണ് ഇയാളെ കണ്ടെത്തിയത്. ഓടിക്കളയാൻ ശ്രമിച്ചെങ്കിലും പിന്തുടർന്ന് സാഹസികമായാണ് കസ്റ്റഡിയിലെടുത്തത്.
കേരളത്തിലുടനീളം ഇയാൾക്കെതിരെ കേസുണ്ട്. വടിവാൾ കാണിച്ച് ആക്രമിച്ച് ഭീഷണിപ്പെടുത്തി കവർച്ച ചെയ്യുന്നതിനാലാണ് ഈ പേര് വീണത്. കൊച്ചിയിൽനിന്ന് മാത്രം പതിനഞ്ചോളം ബൈക്കുകൾ മോഷ്ടിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.