‘ക്രിമിനൽ’ പൊലീസുകാർക്കെതിരെ വിട്ടുവീഴ്ചയില്ല

തി​രു​വ​ന​ന്ത​പു​രം: പൊ​തു​ജ​ന​ങ്ങ​ളോ​ട്​ മോ​ശ​മാ​യി പെ​രു​മാ​റു​ന്ന പൊ​ലീ​സു​കാ​ർ​ക്കെ​തി​രെ ക​ർ​ശ​ന​ന​ട​പ​ടി സ്വീ​ക​രി​ക്കാ​നും ​ഗു​ണ്ടാ​സം​ഘ​ങ്ങ​ളു​മാ​യി ബ​ന്ധ​മു​ള്ള ഉ​ദ്യോ​ഗ​സ്ഥ​ർ​ക്കെ​തി​രാ​യ ന​ട​പ​ടി വേ​ഗ​ത്തി​ലാ​ക്കാ​നും പൊ​ലീ​സ്​ ഉ​ന്ന​ത​ത​ല യോ​ഗ​ത്തി​ൽ തീ​രു​മാ​നം. ​സാ​മൂ​ഹി​ക മാ​ധ്യ​മ​ങ്ങ​ൾ ശ​ക്ത​മാ​യ കാ​ല​ഘ​ട്ട​ത്തി​ൽ ചെ​റി​യ സം​ഭ​വ​ങ്ങ​ൾ പോ​ലും ഏ​റെ വി​മ​ർ​ശ​ന​ങ്ങ​ൾ​ക്ക്​ കാ​ര​ണ​മാ​കു​ന്ന​തി​നാ​ൽ വ​ള​രെ ക​രു​ത​ലോ​ടെ വേ​ണം പൊ​തു​ജ​ന​ങ്ങ​​ളോ​ട്​ ഇ​ട​പെ​ടാ​നെ​ന്ന്​ ജി​ല്ല പൊ​ലീ​സ്​ മേ​ധാ​വി​ക​ൾ പൊ​ലീ​സു​കാ​ർ​ക്ക്​ നി​ർ​ദേ​ശം ന​ൽ​ക​ണം.

പൊ​തു​ജ​ന​ങ്ങ​ളോ​ടു​ള​ള പൊ​ലീ​സി​ന്‍റെ സ​മീ​പ​നം പൊ​തു​വേ മെ​ച്ച​പ്പെ​ട്ട​താ​യി യോ​ഗം വി​ല​യി​രു​ത്തി. ഒ​റ്റ​പ്പെ​ട്ട സം​ഭ​വ​ങ്ങ​ള്‍ ഇ​പ്പോ​ഴും ഉ​യ​രു​ന്നു​ണ്ട്. ഈ ​പ്ര​വ​ണ​ത അ​നു​വ​ദി​ക്കി​ല്ല. കാ​ര​ണ​ക്കാ​ര്‍ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കും. ഇ​ത്ത​രം സം​ഭ​വ​ങ്ങ​ൾ ശ്ര​ദ്ധ​യി​ൽ​പ്പെ​ട്ടാ​ൽ മ​തി​യാ​യ അ​ന്വേ​ഷ​ണം ന​ട​ത്തി ഉ​ചി​ത ന​ട​പ​ടി സ്വീ​ക​രി​ക്ക​ണം. പ​ല സ്​​റ്റേ​ഷ​നു​ക​ളി​ലെ​യും പൊ​ലീ​സു​കാ​ർ​ക്കെ​തി​രെ ഗു​ണ്ട, മാ​ഫി​യ ബ​ന്ധം ഉ​യ​രു​ന്ന​തി​ലെ ആ​ശ​ങ്ക​യും യോ​ഗം പ്ര​ക​ടി​പ്പി​ച്ചു. സേ​ന​യെ പൊ​തു​വി​ൽ ജ​ന​ത്തി​നു​ മു​ന്നി​ൽ അ​പ​കീ​ർ​ത്തി​പ്പെ​ടു​ത്തു​ന്ന ഉ​ദ്യോ​ഗ​സ്ഥ​ർ​ക്കെ​തി​രെ ക​ർ​ശ​ന​ന​ട​പ​ടി വേ​ണ​മെ​ന്നും അ​ഭി​പ്രാ​യം ഉ​യ​ർ​ന്നു.

സാ​മൂ​ഹി​ക​വി​രു​ദ്ധ പ്ര​വ​ര്‍ത്ത​ന​ങ്ങ​ളി​ല്‍ ഏ​ര്‍പ്പെ​ടു​ന്ന​വ​രു​മാ​യി ബ​ന്ധം പു​ല​ര്‍ത്തു​ന്ന ഓ​ഫി​സ​ര്‍മാ​ര്‍ക്കെ​തി​രാ​യ നി​യ​മ​ന​ട​പ​ടി​ക​ള്‍ വേ​ഗ​ത്തി​ലാ​ക്കാ​ന്‍ ജി​ല്ല പൊ​ലീ​സ് മേ​ധാ​വി​ക​ൾ​ക്ക്​ നി​ർ​ദേ​ശം ന​ല്‍കി.

നി​യ​മ​ത്തി​ന്‍റെ പ​ഴു​തു​ക​ളി​ലൂ​ടെ ര​ക്ഷ​പ്പെ​ടാ​ന്‍ അ​വ​സ​രം ല​ഭി​ക്കാ​ത്ത വി​ധ​ത്തി​ലാ​യി​രി​ക്ക​ണം ശി​ക്ഷാ​ന​ട​പ​ടി. അ​തി​നു കൃ​ത്യ​മാ​യ നി​യ​മോ​പ​ദേ​ശം തേ​ട​ണം. സാ​മൂ​ഹി​ക​വി​രു​ദ്ധ​രു​മാ​യി ബ​ന്ധം പു​ല​ര്‍ത്തു​ന്ന​വ​ര്‍ക്കെ​തി​രെ കൃ​ത്യ​മാ​യ ഇ​ട​വേ​ള​ക​ളി​ല്‍ പൊ​ലീ​സ് ആ​സ്ഥാ​ന​ത്ത് റി​പ്പോ​ര്‍ട്ട് ന​ല്‍കാ​ന്‍ ജി​ല്ല മേ​ധാ​വി​ക​ളും ഡി.​ഐ.​ജി​മാ​രും ശ്ര​ദ്ധി​ക്ക​ണം.

ജി​ല്ല സ്​​പെ​ഷ​ൽ​ബ്രാ​ഞ്ചു​ക​ൾ ശ​ക്ത​മ​ല്ലെ​ന്ന വി​ല​യി​രു​ത്ത​ലു​മു​ണ്ടാ​യി. സ്പെ​ഷ​ല്‍ബ്രാ​ഞ്ച് ഉ​ദ്യോ​ഗ​സ്ഥ​രു​ടെ യോ​ഗം ജി​ല്ല പൊ​ലീ​സ് മേ​ധാ​വി​മാ​ര്‍ എ​ല്ലാ ആ​ഴ്ച​യും വി​ളി​ച്ചു​ചേ​ര്‍ത്ത് ല​ഭ്യ​മാ​യ വി​വ​ര​ങ്ങ​ള്‍ കൃ​ത്യ​മാ​യി വി​ശ​ക​ല​നം ചെ​യ്യ​ണ​മെ​ന്ന ക​ർ​ശ​ന നി​ർ​ദേ​ശ​വും ന​ൽ​കി.