കണ്ണൂർ: ജില്ലയില് ഞായറാഴ്ച കോവിഡ് സ്ഥിരീകരിച്ചത് മൂര്യാട് സ്വദേശിയായ പ്രവാസിക്ക്. മാര്ച്ച് 17ന് ദുബൈയി ല്നിന്ന് കരിപ്പൂര് വിമാനത്താവളം വഴിയാണ് 40കാരനായ ഇദ്ദേഹം നാട്ടിലെത്തിയത്. ഏപ്രില് 10ന് സ്രവ പരിശോധനക്ക് വി ധേയനായ ശേഷം ഇപ്പോള് വീട്ടില് നിരീക്ഷണത്തിലാണ്. കോവിഡ് സ്ഥിരീകരിച്ചതിനെ തുടർന്ന് ഇദ്ദേഹത്തെ അഞ്ചരക്കണ്ടി കോവിഡ് ട്രീറ്റ്മെൻറ് സെൻററിലേക്ക് മാറ്റും. ഇതോടെ ജില്ലയിൽ കോവിഡ് സ്ഥിരീകരിച്ചവരുടെ എണ്ണം 72 ആയി.
ജില്ലയില് 7836 പേരാണ് കോവിഡ് ബാധ സംശയിച്ച് നിരീക്ഷണത്തിലുള്ളത്. ഇവരില് 102 പേര് ആശുപത്രിയിലും 7734 പേര് വീടുകളിലുമാണ് നിരീക്ഷണത്തില് കഴിയുന്നത്. പരിയാരം ഗവ. മെഡിക്കല് കോളജ് ആശുപത്രിയില് 52 പേരും തലശ്ശേരി ജനറല് ആശുപത്രിയില് ഒമ്പതും കണ്ണൂർ ജില്ല ആശുപത്രിയില് 10 പേരും കോവിഡ് ട്രീറ്റ്മെൻറ് സെൻററില് 31പേരുമാണ് നിരീക്ഷണത്തില് കഴിയുന്നത്.
ഇതുവരെ 1189 സാമ്പിളുകള് പരിശോധനക്ക് അയച്ചതില് 902 എണ്ണത്തിെൻറ ഫലം വന്നു. ഇതില് 824 എണ്ണം നെഗറ്റീവാണ്. 287 എണ്ണത്തിെൻറ ഫലം ലഭിക്കാനുണ്ട്.
Latest Video
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.