'യ​ജ​മാ​ന​ന്മാ​രു​ടെ നി​ർ​ദേ​ശ​പ്ര​കാ​രം ഗവർണർമാർ രാഷ്ട്രീയക്കളി തുടരുന്നു' -മുഖ്യമന്ത്രി

തി​രു​വ​ന​ന്ത​പു​രം: തീ​കൊ​ണ്ട് ക​ളി​ക്കു​ക​യാ​ണെ​ന്ന് സു​പ്രീം​കോ​ട​തി മു​ന്ന​റി​യി​പ്പ്​ ന​ൽ​കി​യി​ട്ടും ഗ​വ​ർ​ണ​ർ​മാ​ർ അ​വ​രു​ടെ യ​ജ​മാ​ന​ന്മാ​രു​ടെ നി​ർ​ദേ​ശ​പ്ര​കാ​രം രാ​ഷ്ട്രീ​യ​ക്ക​ളി തു​ട​രു​ക​യാ​ണെ​ന്ന്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. യു.​ജി.​സി ക​ര​ട്​ റെ​ഗു​ലേ​ഷ​നെ​തി​രെ വി​വി​ധ സം​സ്ഥാ​ന മ​ന്ത്രി​മാ​രെ പ​​ങ്കെ​ടു​പ്പി​ച്ച്​ കേ​ര​ള സ​ർ​ക്കാ​ർ സം​ഘ​ടി​പ്പി​ച്ച ദേ​ശീ​യ ക​ൺ​വെ​ൻ​ഷ​ൻ ഉ​ദ്​​ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

പ്ര​തി​പ​ക്ഷം ഭ​രി​ക്കു​ന്ന സം​സ്ഥാ​ന​ങ്ങ​ളി​ൽ സ​ർ​വ​ക​ലാ​ശാ​ല​ക​ളു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളി​ൽ ചാ​ൻ​സ​ല​ർ​മാ​ർ രാ​ഷ്ട്രീ​യ യ​ജ​മാ​ന​ന്മാ​രു​ടെ ഇം​ഗി​ത​ത്തി​ന​നു​സൃ​ത​മാ​യി പ്ര​വ​ർ​ത്തി​ക്കു​ക​യാ​ണ്. സം​സ്ഥാ​ന​ങ്ങ​ളു​ടെ താ​ൽ​പ​ര്യ​ങ്ങ​ളും ച​ട്ട​ങ്ങ​ളും അ​വ​ഗ​ണി​ക്കു​ന്നു. സം​സ്ഥാ​ന ധ​ന​സ​ഹാ​യ​ത്തോ​ടെ​യു​ള്ള സ​ർ​വ​ക​ലാ​ശാ​ല​ക​ളു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ളി​ൽ പോ​ലും സം​സ്ഥാ​ന സ​ർ​ക്കാ​റു​ക​ളോ​ട് ആ​ലോ​ചി​ക്കു​ന്ന​തി​നു​പ​ക​രം ഗ​വ​ർ​ണ​ർ​മാ​ർ രാ​ഷ്ട്രീ​യ ഇ​ട​പെ​ട​ലു​ക​ൾ ന​ട​ത്തു​ന്നു. യു.​ജി.​സി​യു​ടെ ക​ര​ട്​ റെ​ഗു​ലേ​ഷ​ൻ ഗ​വ​ർ​ണ​ർ​മാ​രു​ടെ ഇ​ട​പെ​ട​ലു​ക​ൾ ശ​ക്തി​പ്പെ​ടു​ത്തും.

കേ​ര​ള​ത്തി​ലു​ൾ​പ്പെ​ടെ പ​ല സം​സ്ഥാ​ന​ങ്ങ​ളി​ലും നി​യ​മ​നി​ർ​മാ​ണ സ​ഭ​യു​ടെ സ്വ​യം​ഭ​ര​ണാ​ധി​കാ​ര​ത്തി​ൽ ഇ​ട​പെ​ട്ട്​ ഗ​വ​ർ​ണ​ർ​മാ​ർ ത​ങ്ങ​ളു​ടെ ഭ​ര​ണ​ഘ​ട​ന​പ​ര​മാ​യ അ​ധി​കാ​രം മ​റി​ക​ട​ക്കാ​ൻ ശ്ര​മി​ക്കു​ന്ന​ത് ക​ണ്ടു. നി​യ​മ​സ​ഭ​ക​ൾ പാ​സാ​ക്കി​യ ബി​ല്ലു​ക​ൾ​ക്ക്​ അം​ഗീ​കാ​രം ന​ൽ​കു​ന്ന​ത്​ അ​നി​ശ്ചി​ത​മാ​യി വൈ​കി​യ​പ്പോ​ഴാ​ണ്​ തീ​കൊ​ണ്ട്​ ക​ളി​ക്കു​ക​യാ​ണെ​ന്ന്​ സു​പ്രീം​കോ​ട​തി മു​ന്ന​റി​യി​പ്പ്​ ന​ൽ​കി​യ​ത്.

അ​ക്കാ​ദ​മി​ക്​ പ​ശ്ചാ​ത്ത​ല​മി​ല്ലാ​തെ സ്വ​കാ​ര്യ​മേ​ഖ​ല​യി​ൽ​നി​ന്നു​പോ​ലും വി.​സി​മാ​രെ നി​യ​മി​ക്കു​ന്ന സ​മീ​പ​നം ഉ​ന്ന​ത വി​ദ്യാ​ഭ്യാ​സ​ത്തെ ക​ച്ച​വ​ട​വ​ത്​​ക​രി​ക്കാ​നു​ള്ള ശ്ര​മ​മാ​യി കാ​ണ​ണം. ഉ​ന്ന​ത വി​ദ്യാ​ഭ്യാ​സ​രം​ഗ​ത്ത്​ ജ​നാ​ധി​പ​ത്യ​മൂ​ല്യ​ങ്ങ​ളെ തു​ര​ങ്കം​വെ​ക്കാ​നും മേ​ഖ​ല​യെ മ​ത​പ​ര​വും സാ​മു​ദാ​യി​ക​വു​മാ​യ ആ​ശ​യ​ങ്ങ​ൾ പ്ര​ച​രി​പ്പി​ക്കു​ന്ന​വ​രു​ടെ നി​യ​ന്ത്ര​ണ​ത്തി​ലാ​ക്കാ​നു​മു​ള്ള ശ്ര​മ​ത്തി​ന്‍റെ ഭാ​ഗ​മാ​യേ ക​ര​ട്​ റെ​ഗു​ലേ​ഷ​നെ കാ​ണാ​നാ​വൂ​വെ​ന്നും അ​ത്​ പാ​സാ​ക്കാ​ൻ അ​നു​വ​ദി​ക്കാ​നാ​കി​ല്ലെ​ന്നും മു​ഖ്യ​മ​ന്ത്രി പ​റ​ഞ്ഞു.