ന്യൂഡല്ഹി: വര്ഗീയ കലാപം തകര്ത്ത മുസഫര്നഗറില് അഭയാര്ഥികളാക്കപ്പെട്ട കുടുംബങ്ങളെ പുനരധിവസിപ്പിക്കാൻ മുസ്ലിം ലീഗ് ദേശീയ കമ്മിറ്റിയുടെ നേതൃത്വത്തിൽ നിർമിച്ച ബൈതുര്റഹ്മ വ്യാഴാഴ്ച കൈമാറും. മന്ത്വാഡയില് പൂര്ത്തിയായ 61 വീടുകളുടെ താക്കോൽ ദാനം ലീഗ് രാഷ്ട്രീയകാര്യ സമിതി അധ്യക്ഷൻ പാണക്കാട് ഹൈദരലി ശിഹാബ് തങ്ങള് നിർവഹിക്കും.
മുഹമ്മദ് ഇസ്മാഈല് സാഹിബ്, അബ്ദുറഹ്മാന് ബാഫഖി തങ്ങൾ, സീതി സാഹിബ്, ജി.എം. ബനാത്ത്വാല എന്നിവരുടെ പേരിലാണ് വെവ്വേറെ ബ്ലോക്കുകളിലായി വീടുകൾ നിർമിച്ചത്. സി.എച്ച്. മുഹമ്മദ് കോയ അഡ്മിനിസ്ട്രേറ്റിവ് ബ്ലോക്കും പൂര്ത്തിയായി. കുട്ടികള്ക്ക് പാര്ക്കും നഗരിയില് ഒരുക്കിയിട്ടുണ്ട്. ഇവിടെ ഇ. അഹമ്മദിെൻറ സ്മരണാർഥം വിദ്യാഭ്യാസ കേന്ദ്രവും ഒരുക്കുമെന്ന് ഇ.ടി. മുഹമ്മദ് ബഷീർ എം.പി അറിയിച്ചു.
താക്കോല്ദാന പരിപാടിയില് മുസ്ലിം ലീഗ് അഖിലേന്ത്യാ അധ്യക്ഷന് പ്രഫ. ഖാദര് മൊയ്തീന് അഡ്മിനിസ്ട്രേറ്റിവ് ബ്ലോക്ക് ഉദ്ഘാടനം ചെയ്യും. ജനറല് സെക്രട്ടറി പി.കെ. കുഞ്ഞാലിക്കുട്ടി എം.പി സ്കൂള് കെട്ടിടത്തിന് തറക്കല്ലിടും. ഓര്ഗനൈസിങ് സെക്രട്ടറി ഇ.ടി. മുഹമ്മദ് ബഷീര് എം.പി അധ്യക്ഷത വഹിക്കും. ട്രഷറര് പി.വി. അബ്ദുല്വഹാബ് എം.പി താമസരേഖകള് കൈമാറും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.