മീ​നാ​ക്ഷി​യ​മ്മ കാ​ത്തി​രി​ക്കു​ന്നു; മ​രി​ക്കും​മു​മ്പ്​ സ്വ​ന്തം മ​ണ്ണി​ൽ അ​വ​കാ​ശം​കി​ട്ടാ​ൻ

കോ​ട്ട​യം: ക​യ​റി​ക്കി​ട​ക്കു​ന്ന കൂ​ര​ക്ക്​ പ​ട്ട​യം കി​ട്ടാ​ൻ ഭി​ന്ന​ശേ​ഷി​ക്കാ​ര​നാ​യ മ​ക​നു​മൊ​ത്ത്​ 90കാ​രി​യാ​യ മീ​നാ​ക്ഷി​യ​മ്മ റ​വ​ന്യൂ ഓ​ഫി​സു​ക​ൾ ക​യ​റി​യി​റ​ങ്ങാ​ൻ തു​ട​ങ്ങി​യി​ട്ട്​ വ​ർ​ഷ​ങ്ങ​ളാ​യി. വാ​ഗ​മ​ണ്ണി​ന​ടു​ത്ത്​ ചോ​റ്റു​പാ​റ​യി​ലെ കാ​ണാ​ൻ ഭം​ഗി​യു​ള്ള, മ​ഞ്ഞി​ൽ കു​ളി​ച്ച ഭൂ​മി​യി​ൽ പ​ല​രും ക​ണ്ണു​വെ​ച്ചി​ട്ടു​ണ്ടെ​ന്ന​ത്​ ആ​ധി കൂ​ട്ടു​ക​യാ​ണ്. പ്രാ​യാ​ധി​ക്യ​ത്തി​നൊ​പ്പം അ​ർ​ബു​ദ​വും അ​ല​ട്ടു​ന്നു​ണ്ടെ​ങ്കി​ലും ക​ണ്ണി​ലെ​ണ്ണ​യൊ​ഴി​ച്ച്​ ഭൂ​മി​ക്ക്​ കാ​വ​ലി​രി​ക്കു​ക​യാ​ണി​വ​ർ. മു​ൻ മ​ന്ത്രി കെ.​ആ​ർ. ഗൗ​രി​യ​മ്മ​യു​ടെ അ​ടു​ത്ത ബ​ന്ധു​വാ​ണെ​ന്ന്​​ അ​വ​കാ​ശ​പ്പെ​ടു​ന്ന ഇ​വ​ർ, ആ ​ബ​ന്ധ​ങ്ങ​ൾ ഉ​പ​യോ​ഗി​ച്ച്​ പ​ട്ട​യം നേ​ടാ​ൻ താ​ൽ​പ​ര്യ​മി​ല്ലെ​ന്ന നി​ല​പാ​ടി​ലാ​ണ്.

വീ​ടി​നു​സ​മീ​പം അ​ങ്ങി​ങ്ങാ​യി നി​ൽ​ക്കു​ന്ന തേ​യി​ല​യി​ൽ​നി​ന്ന്​ കൊ​ളു​ന്ത്​ നു​ള്ളി വി​റ്റു​കി​ട്ടു​ന്ന പ​ണ​മാ​ണ്​ ആ​കെ വ​രു​മാ​നം. ഇ​തി​ൽ​നി​ന്ന്​ വേ​ണം ചി​കി​ത്സ മാ​ർ​ഗ​വും ക​ണ്ടെ​ത്താ​ൻ.

മാ​റി​മാ​റി വ​ന്ന സ​ർ​ക്കാ​റു​ക​ൾ പ​ല​ർ​ക്കും പ​ട്ട​യം ന​ൽ​കു​ന്നു​വെ​ന്ന വാ​ർ​ത്ത​യൊ​ക്കെ അ​റി​യു​േ​മ്പാ​ൾ മീ​നാ​ക്ഷി​യ​മ്മ​യു​ടെ ക​ണ്ണു​ത​ള്ളു​ക​യാ​ണ്. എ​വി​ടെ, ആ​ർ​ക്ക്​ അ​പേ​ക്ഷ ന​ൽ​കി​യാ​ണ്​ ഇ​തൊ​ക്കെ നേ​ടു​ന്ന​തെ​ന്ന്​ അ​വ​ർ​ക്ക്​ മ​ന​സ്സി​ലാ​കു​ന്നി​ല്ല. വി​ല്ലേ​ജ്​ ഓ​ഫി​സ്​ മു​ത​ൽ മു​ഖ്യ​മ​ന്ത്രി​ക്കു​വ​രെ അ​പേ​ക്ഷ കൊ​ടു​ത്തെ​ങ്കി​ലും മീ​നാ​ക്ഷി​യ​മ്മ​യു​ടെ കാ​ര്യം ന​ട​ന്നി​ട്ടി​ല്ല.

അ​ര​നൂ​റ്റാ​ണ്ട്​ മു​മ്പ്​ ആ​ല​പ്പു​ഴ ജി​ല്ല​യി​ലെ തു​റ​വൂ​ർ പ്ര​ദേ​ശ​ത്തു​നി​ന്ന്​ ജോ​ലി​ക്കാ​യി ഭ​ർ​ത്താ​വു​മൊ​ത്ത്​ വാ​ഗ​മ​ണ്ണി​ൽ എ​ത്തി​യ​താ​ണ്​ മീ​നാ​ക്ഷി​യ​മ്മ. അ​തി​നു​മു​മ്പ്​ വി​ല്ലേ​ജ്​ ഓ​ഫി​സി​ൽ കു​റ​ച്ചു​കാ​ലം ജോ​ലി ചെ​യ്​​തി​ട്ടു​ണ്ട്. അ​തി​നാ​ൽ​ത​ന്നെ ചി​ല ഉ​ദ്യോ​ഗ​സ്ഥ​രും മ​റ്റും ത​ന്നെ ക​ബ​ളി​പ്പി​ക്കു​ക​യാ​ണെ​ന്ന ധാ​ര​ണ​യി​ലാ​ണി​വ​ർ. വാ​ഗ​മ​ൺ എ​ന്നാ​ണ്​ പ​റ​യു​ന്ന​തെ​ങ്കി​ലും കോ​ട്ട​യം ജി​ല്ല​യി​ൽ​പെ​ട്ട മീ​ന​ച്ചി​ൽ താ​ലൂ​ക്കി​ലെ തീ​ക്കോ​യി വി​ല്ലേ​ജി​ലാ​ണ്​ ഭൂ​മി. പ​ട്ട​യം ന​ൽ​കാ​ൻ ത​ട​സ്സ​മി​ല്ലാ​ത്ത പ്ര​ദേ​ശ​മാ​ണ്​ ഇ​തെ​ന്ന്​ ഉ​ദ്യോ​ഗ​സ്ഥ​ർ പ​റ​ഞ്ഞി​ട്ടു​ണ്ട്. എ​ന്നാ​ൽ, ഇ​തി​ന​പ്പു​റ​ത്തേ​ക്ക്​ കാ​ര്യ​ങ്ങ​ൾ ന​ട​ക്കു​ന്നി​ല്ല. ത​െൻറ കൈ​വ​ശ​മു​ള്ള ഭൂ​മി ചി​ല​ർ ത​ട്ടി​യെ​ടു​ക്കാ​ൻ ശ്ര​മി​ക്കു​െ​ന്ന​ന്നാ​ണ്​ മീ​നാ​ക്ഷി​യ​മ്മ​യു​ടെ ആ​രോ​പ​ണം.​ അ​തി​നു​മു​മ്പ്​ പ​ട്ട​യം കി​ട്ട​ണം. നേ​ര​ത്തേ കു​റ​ച്ച്​ ഭൂ​മി സ്വ​ന്തം പേ​രി​ലു​ണ്ടാ​യി​രു​ന്നു. പ​ക്ഷേ, അ​ത്​ അ​ന്യാ​ധീ​ന​പ്പെ​ട്ടു​പോ​യി. ഇൗ ​അ​വ​സ്ഥ ഇ​നി​യു​മു​ണ്ടാ​യാ​ൽ മ​ക​െൻറ കാ​ര്യം ക​ഷ്​​ട​ത്തി​ലാ​കും. ആ​ധി അ​തു​മാ​ത്ര​മാ​ണ്.

ഭൂ​മി കൈ​യേ​റാ​ൻ ശ്ര​മി​ക്കു​ന്നെ​ന്ന്​ ആ​രോ​പി​ച്ച്​ വ​ർ​ഷ​ങ്ങ​ൾ​ക്കു​മു​മ്പ്​ പ​ഞ്ചാ​യ​ത്ത്​ ക​മ്മി​റ്റി​ക്ക്​ പ​രാ​തി ന​ൽ​കി​യി​രു​ന്നു. ഇ​തി​ൽ അ​ന്വേ​ഷ​ണം ന​ട​ത്തി​യ അ​ധി​കൃ​ത​ർ പ​രാ​തി സ​ത്യ​മാ​ണെ​ന്ന്​ കാ​ട്ടി ക​ത്തും ന​ൽ​കി. എ​ൽ.​ഡി.​എ​ഫ്​ സ​ർ​ക്കാ​ർ അ​ധി​കാ​ര​ത്തി​ൽ​നി​ന്ന്​ ഒ​ഴി​യും​മു​മ്പ്​ ത​ങ്ങ​ൾ​ക്കും നീ​തി കി​ട്ടു​മെ​ന്ന പ്ര​തീ​ക്ഷ​യി​ലാ​ണ്​ ഈ ​അ​മ്മ​യും മ​ക​നും.