ഡ്രൈ​വ​ർ അ​റി​യാ​തെ ലോ​റി​പ്പു​റ​ത്ത്​ യാത്ര; ഒടുവിൽ പൊലീസ്​ പി​ടി​യി​ൽ

വൈ​ത്തി​രി: മൈ​സൂ​രു​വി​ൽ​നി​ന്നു പു​റ​പ്പെ​ട്ട ച​ര​ക്കു​ലോ​റി​യി​ൽ ഡ്രൈ​വ​ർ അ​റി​യാ​തെ ക​യ​റി​പ്പ​റ്റി ​യ യു​വാ​വ് ല​ക്കി​ടി​യി​ൽ പി​ടി​യി​ലാ​യി. കോ​ഴി​ക്കോ​ട് ചേ​വാ​യൂ​ർ സ്വ​ദേ​ശി ശ്രീ​ജി​ത്ത് (26) ആ​ണ് ല​ക്കി​ടി ക​വാ​ട​ത്തി​ൽ പ​രി​ശോ​ധ​ന​ക്കി​ടെ പി​ടി​യി​ലാ​യ​ത്. ചൊ​വ്വാ​ഴ്ച മൈ​സൂ​രു​വി​ൽ​നി​ന്ന് കോ​ഴി​ക്കോ​ട്ടേ​ക്ക് വ​രു​ക​യാ​യി​രു​ന്ന ലോ​റി​പ്പു​റ​ത്ത് ഡ്രൈ​വ​ർ അ​റി​യാ​തെ ക​യ​റി​പ്പ​റ്റു​ക​യാ​യി​രു​ന്നു.

മു​ത്ത​ങ്ങ​യി​ലെ പ​രി​ശോ​ധ​ന​യി​ൽ ഇ​ദ്ദേ​ഹം ലോ​റി​ക്കു മു​ക​ളി​ലു​ള്ള​ത് ശ്ര​ദ്ധ​യി​ൽ​പെ​ട്ടി​ല്ല. എ​ന്നാ​ൽ ല​ക്കി​ടി​യി​ൽ പ​രി​ശോ​ധ​ന​ക്ക് വേ​ണ്ടി നി​ർ​ത്തി​യ ലോ​റി​യി​ൽ​നി​ന്നു സ്ഥ​ല​മേ​തെ​ന്ന​റി​യാ​തെ ഇ​ദ്ദേ​ഹം ഇ​റ​ങ്ങി. തി​രി​ച്ചു ക​യ​റും മു​മ്പേ ലോ​റി പോ​കു​ക​യും ചെ​യ്തു. റോ​ഡ​രി​കി​ൽ സം​ശ​യാ​സ്പ​ദ​മാ​യി നി​ൽ​ക്കു​ന്ന​തു​ക​ണ്ട് ഉ​ദ്യോ​ഗ​സ്ഥ​ർ ചോ​ദ്യം ചെ​യ്ത​തോ​ടെ​യാ​ണ് സ​ത്യാ​വ​സ്ഥ പു​റ​ത്തു​വ​രു​ന്ന​ത്.

മൈ​സൂ​രു മാ​ർ​ക്ക​റ്റി​ലെ ജീ​വ​ന​ക്കാ​ര​നെ​ന്നാ​ണ് പ​റ​യു​ന്ന​ത്. വൈ​ത്തി​രി പൊ​ലീ​സ് കേ​സെ​ടു​ത്തു. പ്ര​തി​യെ നി​രീ​ക്ഷ​ണ കേ​ന്ദ്ര​ത്തി​ലേ​ക്ക​യ​ച്ചു. ഇ​ദ്ദേ​ഹ​ത്തി​നെ​തി​രെ പ​ന്തീ​രാ​ങ്കാ​വ് സ്​​റ്റേ​ഷ​നി​ൽ ബൈ​ക്ക് ക​ത്തി​ച്ച കേ​സു​ണ്ടെ​ന്ന് പൊ​ലീ​സ് പ​റ​ഞ്ഞു.