തിരുവനന്തപുരം: കലാകാരന്മാര്‍ക്ക്‌ പകരം കൊലയാളികളും മയക്കുമരുന്ന്‌ മാഫിയയും നൈറ്റ്‌ലൈഫിന്റെ മറവില്‍ മാനവീയം വീഥി കീഴടക്കുകയാണെന്ന്‌ മഹിളാ കോണ്ഗ്രസ്. പൊലീസ്‌ നോക്കുകുത്തികളും കാഴ്‌ചക്കാരുമായി മാറിയിരിക്കുന്നു. നൈറ്റ്‌ലൈഫ്‌ പ്രഖ്യാപനം വന്നതിനുശേഷം വലിയ പത്ത്‌ അക്രമ സംഭവങ്ങള്‍ റിപ്പോര്‍ട്ട്‌ ചെയ്യപ്പെട്ടിരിക്കുന്നു.
എണ്ണമില്ലാത്ത ചെറിയ സംഘര്‍ഷങ്ങള്‍ ദിവസവും നടക്കുന്നു. സമീപവാസികള്‍ക്കും സ്‌ത്രീകള്‍ക്കും കുട്ടികള്‍ക്കും വഴിനടക്കാനാവാത്തവിധം മദ്യപാനികളും അക്രമികളും അഴിഞ്ഞാടുകയാണ്‌. മാനവീയം വീഥിയിലെ അക്രമികളെ അമര്‍ച്ചചെയ്യണമെന്ന്‌ ആവശ്യപ്പെട്ട്‌ മഹിളാ കോണ്ഗ്രസ് ജില്ലാ കമ്മിറ്റിയുടെ നേതൃത്വത്തില്‍ നാളെ വൈകീട്ട് ആറിന് മാനവീയം വീഥിയില്‍ പ്രതിഷേധ കൂട്ടായ്‌മ സംഘടിപ്പിക്കുമെന്ന്‌ ജില്ലാ പ്രസിഡന്റ്‌ ഗായത്രി വി. നായര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.