വയനാട്ടിലെ വിനോദസഞ്ചാര കേന്ദ്രങ്ങളിൽ കർശന നിയന്ത്രണം

വൈ​ത്തി​രി: കോ​വി​ഡ് രോ​ഗി​ക​ൾ വ​ർ​ധി​ക്കു​ന്ന പ​ശ്ചാ​ത്ത​ല​ത്തി​ൽ ജി​ല്ല​യി​ൽ വി​നോ​ദ​സ​ഞ്ചാ​ര​കേ​ന്ദ്ര​ങ്ങ​ളി​ൽ നി​യ​ന്ത്ര​ണം ക​ർ​ശ​ന​മാ​ക്കി. പ​ത്തു വ​യ​സ്സി​ൽ താ​ഴെ​യു​ള്ള കു​ട്ടി​ക​ൾ​ക്കും 65 വ​യ​സ്സി​നു മു​ക​ളി​ലു​ള്ള വ​യോ​ധി​ക​ർ​ക്കും ഇ​നി​യൊ​ര​റി​യി​പ്പു​ണ്ടാ​കു​ന്ന​തു​വ​രെ ടൂ​റി​സം കേ​ന്ദ്ര​ങ്ങ​ളി​ൽ പ്ര​വേ​ശ​നം അ​നു​വ​ദി​ക്കി​ല്ലെ​ന്ന് ജി​ല്ല ക​ല​ക്ട​ർ അ​റി​യി​ച്ചു.

മാ​സ്ക് ധ​രി​ക്കാ​ത്ത​വ​ർ​ക്കെ​തി​രെ​യും സാ​മൂ​ഹി​ക അ​ക​ലം പാ​ലി​ക്കാ​തെ കൂ​ട്ടം​കൂ​ടി നി​ൽ​ക്കു​ന്ന​വ​ർ​ക്കെ​തി​രെ​യും ന​ട​പ​ടി സ്വീ​ക​രി​ക്കും. എ​ന്നാ​ൽ, കാ​ർ​ലാ​ട് ത​ടാ​ക​ത്തി​ൽ എ​ട്ടു വ​യ​സ്സി​നു താ​ഴെ​യു​ള്ള​വ​ർ​ക്കാ​ണ് പ്ര​വേ​ശ​ന വി​ല​ക്ക്. ഞാ​യ​റാ​ഴ്ച രാ​വി​ലെ പൂ​ക്കോ​ട് ത​ടാ​ക​ത്തി​ൽ ക​ല​ക്ട​ർ നേ​രി​ട്ടെ​ത്തി പ​രി​ശോ​ധ​ന ന​ട​ത്തി. ഈ ​സ​മ​യം ത​ടാ​ക​വും പ​രി​സ​ര​വും നി​റ​യെ സ​ന്ദ​ർ​ശ​ക​രാ​യി​രു​ന്നു. ചെ​റി​യ കു​ട്ടി​ക​ള​ട​ക്കം നി​ര​വ​ധി പേ​രു​ണ്ടാ​യി​രു​ന്നു. ജീ​വ​ന​ക്കാ​ർ​ക്ക് ക​ർ​ശ​ന നി​ർ​ദേ​ശം ന​ൽ​കി​യാ​ണ് ക​ല​ക്ട​ർ പോ​യ​ത്. ഇ​തോ​ടെ കു​ട്ടി​ക​ളു​മാ​യി എ​ത്തി​യ​വ​ർ പ​ല​രും പു​റ​ത്തു​പോ​യി. മ​റ്റു ടൂ​റി​സം കേ​ന്ദ്ര​ങ്ങ​ളി​ൽ റ​വ​ന്യൂ ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ പ​രി​ശോ​ധ​ന ന​ട​ത്തി. ബാ​ണാ​സു​ര ഡാ​മി​ൽ പൊ​ലീ​സാ​ണ് പ​രി​ശോ​ധ​ന ന​ട​ത്തി​യ​ത്.

അ​ടു​ത്തി​ടെ ജി​ല്ല​യി​ൽ കോ​വി​ഡ് രോ​ഗി​ക​ളു​ടെ എ​ണ്ണ​ത്തി​ലു​ണ്ടാ​കു​ന്ന വ​ർ​ധ​ന വ​ലി​യ ആ​ശ​ങ്ക സൃ​ഷ്​​ടി​ക്കു​ന്നു​ണ്ട്. വി​നോ​ദ​കേ​ന്ദ്ര​ങ്ങ​ളെ​ല്ലാം തു​റ​ന്ന​തോ​ടെ വാ​രാ​ന്ത്യ​ങ്ങ​ളി​ൽ ആ​യി​ര​ക്ക​ണ​ക്കി​ന് സ​ഞ്ചാ​രി​ക​ളാ​ണ് ജി​ല്ല​യി​ലേ​ക്കെ​ത്തു​ന്ന​ത്. ടൂ​റി​സം കേ​ന്ദ്ര​ങ്ങ​ളി​ൽ ഒ​രേ സ​മ​യം പ്ര​വേ​ശി​പ്പി​ക്കാ​വു​ന്ന സ​ഞ്ചാ​രി​ക​ളു​ടെ എ​ണ്ണം നി​യ​ന്ത്രി​ച്ചി​രു​ന്നെ​ങ്കി​ലും പാ​ലി​ക്ക​പ്പെ​ടു​ന്നി​ല്ല. കൂ​ടാ​തെ, സ​ഞ്ചാ​രി​ക​ൾ തേ​യി​ല​ത്തോ​ട്ട​ങ്ങ​ളി​ലേ​ക്കും മ​റ്റും ക​റ​ങ്ങി ന​ട​ക്കു​ന്നു​ണ്ട്. വാ​ഹ​ന​ബാ​ഹു​ല്യം കാ​ര​ണം ചു​ര​ത്തി​ല​ട​ക്കം ദേ​ശീ​യ​പാ​ത​യി​ൽ നി​ര​വ​ധി ത​വ​ണ ഗ​താ​ഗ​ത ത​ട​സ്സം അ​നു​ഭ​വ​പ്പെ​ടു​ന്നു​ണ്ട്.

ഇ​ത​ര സം​സ്ഥാ​ന​ങ്ങ​ളി​ൽ​നി​ന്നു ജി​ല്ല​യി​ലേ​ക്കെ​ത്തു​ന്ന സ​ഞ്ചാ​രി​ക​ളു​ടെ എ​ണ്ണം വ​ള​രെ കു​റ​ഞ്ഞി​ട്ടു​ണ്ട്. ഇ​ത​ര ജി​ല്ല​ക​ളി​ൽ ക​ടു​ത്ത ചൂ​ട് അ​നു​ഭ​വ​പ്പെ​ടു​ന്ന​തി​നാ​ൽ ജി​ല്ല​യി​ലേ​ക്ക് സ​ഞ്ചാ​രി​ക​ൾ കൂ​ടു​ത​ലാ​യി എ​ത്തു​ക​യാ​ണ്. അ​തേ​സ​മ​യം, പ​രി​ശോ​ധ​ന ക​ർ​ശ​ന​മാ​ക്കി​യ​തോ​ടെ ടൂ​റി​സം കേ​ന്ദ്ര​ങ്ങ​ളി​ൽ സ​ഞ്ചാ​രി​ക​ളു​ടെ വ​ര​വ് കു​റ​ഞ്ഞ​താ​യി ജീ​വ​ന​ക്കാ​ർ പ​റ​ഞ്ഞു.