മീനങ്ങാടി: നിരോധിത മയക്കുമരുന്നായ എം.ഡി.എം.എയുമായി ജീപ്പിലെത്തിയ യുവാവിനെയും യുവതിയെയും മീനങ്ങാടി പൊലീസ് വാഹനപരിശോധനക്കിടെ പിടികൂടി. കൊടുവള്ളി, മാനിപുരം, ഈര്ച്ചതടത്തില് വീട്ടില് ഇ.ടി. മുനീര്(32), ആസ്സാം, ഗുവാഹട്ടി സ്വദേശിനി മറീന ബീഗം(19) എന്നിവരെയാണ് മീനങ്ങാടി ഇൻസ്പെക്ടർ എസ്.എച്ച്.ഒ ബിജു ആന്റണിയും സംഘവും പിടികൂടിയത്. 5.71 ഗ്രാം എം.ഡി.എം.എയാണ് ഇവരില് നിന്ന് കണ്ടെടുത്തത്.
ചൊവ്വാഴ്ച വൈകീട്ട് പട്രോളിങ് ഡ്യൂട്ടിക്കിടെ മീനങ്ങാടി ടൗണില് വെച്ചാണ് പൊലീസ് ഇവരെ പിടികൂടിയത്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
എ.എസ്.ഐ സബിത, സി.പി.ഒമാരായ സതീശന്, ഗോപകുമാര്, ഉനൈസ് എന്നിവരും പൊലീസ് സംഘത്തിലുണ്ടായിരുന്നു. ലഹരിക്കടത്തും ഉപയോഗവും തടയുന്നതിനായി ജില്ലയിൽ പരിശോധന കർശനമാണെന്ന് ജില്ലാ പൊലീസ് മേധാവി പദം സിംഗ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.