അറസ്റ്റിലായ ധനേഷ്, ദിലീഷ്
സുൽത്താൻബത്തേരി: ഓട്ടോറിക്ഷ നിര്‍ത്തിയിട്ട് പരസ്യമായി മദ്യപിച്ചത് ചോദ്യം ചെയ്തതിന് പൊലീസിനെ ആക്രമിച്ച രണ്ടുപേർ അറസ്റ്റിൽ. സംഭവത്തിൽ എസ്.ഐ ഉൾപ്പെടെ രണ്ട് പൊലീസുകാർക്ക് പരിക്കേറ്റിരുന്നു.
വാളവയൽ കാവുംപുറത്ത് ധനേഷ് (37), ചൂതുപാറ പൊങ്ങൻപാറ ദിലീഷ് (39) എന്നിവരാണ് പിടിയിലായത്. കേണിച്ചിറ എസ്.ഐ ടി.കെ. ഉമ്മർ, സി.പി.ഒ സനൽ എന്നിവരെയാണ് ഇവർ ആക്രമിച്ചത്. ചെവിക്ക് സാരമായി പരിക്കേറ്റ ഉമ്മർ സ്വകാര്യ മെഡിക്കൽ കോളജിൽ ചികിത്സ തേടി. ശനിയാഴ്ച വൈകിട്ട് മൂന്നാനക്കുഴിയിലായിരുന്നു സംഭവം.
പട്രോളിങ്ങിന് ഇടയിലായിരുന്നു ഇവർ പൊലീസിന്റെ മുന്നിൽ പെട്ടത്. കൃത്യനിർവഹണം തടസ്സപ്പെടുത്തിയതും ഉദ്യോഗസ്ഥരെ മർദിച്ചതുമടക്കം വിവിധ വകുപ്പുകൾ പ്രകാരമാണ് പ്രതികൾക്കെതിരെ കേസെടുത്തത്. സുൽത്താൻ ബത്തേരി കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.