ദു​രി​തപ്പെ​യ്ത്തി​ൽ ജീ​വി​തം വ​ലി​ച്ചു​കെ​ട്ടി​യ ഷെ​ഡ്ഡി​നു​ള്ളി​ൽ

പൊ​ഴു​ത​ന: ഈ ​പെ​രു​മ​ഴക്കാ​ല​ത്തും വായ​നം​കുന്ന് ഉ​ന്ന​തി​യി​ലെ നി​വാ​സി​ക​ൾ​ക്ക് പ​ങ്കു​വെ​ക്കാ​ൻ സ​ങ്ക​ട​ങ്ങ​ൾ ഏ​റെ​യാ​ണ്. വാ​സ​യോ​ഗ്യ​മാ​യ വീ​ടി​ല്ലാ​തെ, കു​ടി​വെ​ള്ള​മി​ല്ലാ​തെ, ശു​ചി​മു​റി​ക​ളി​ല്ലാ​തെ ദു​രി​ത​വു​മാ​യി മ​ല്ലി​ടു​ക​യാ​ണ് ഇ​വി​ട​ത്തെ നി​ര​വ​ധി കു​ടും​ബ​ങ്ങ​ൾ. പി​ണ​ങ്ങോ​ട് ഇ​ടി​യം​വ​യ​ൽ റൂ​ട്ടി​ൽ റോ​ഡി​ന് സ​മീ​പ​ത്താ​യി പ്ലാ​സ്റ്റി​ക് ഷീ​റ്റ് വ​ലി​ച്ചു​കെ​ട്ടി അ​തി​നു​ള്ളി​ൽ ക​ഴി​യു​ന്ന ആ​ദി​വാ​സി കു​ടും​ബ​ങ്ങ​ളു​ടെ ജീ​വി​തം ആ​രെ​യും സ​ങ്ക​ട​പ്പെ​ടു​ത്തു​ന്ന​താ​ണ്. ത​ങ്ങ​ള്‍ നേ​രി​ടു​ന്ന ഈ ​ദു​രി​ത​ങ്ങ​ളെ​ല്ലാം എ​ല്ലാ തെ​ര​ഞ്ഞെ​ടു​പ്പ് കാ​ല​ത്തും വോ​ട്ട് തേ​ടി​യെ​ത്തു​ന്ന​വ​രോ​ട് പ​രാ​തി​പ്പെ​ടു​മെ​ങ്കി​ലും പ​രി​ഹാ​രം ഇ​ന്നും അ​ക​ലെ​യാ​ണെ​ന്ന് കു​ടും​ബ​ങ്ങ​ൾ പ​റ​യു​ന്നു.

പൊ​ഴു​ത​ന പ​ഞ്ചാ​യ​ത്തി​ലെ ഒ​ന്നാം വാ​ർ​ഡി​ൽ ഉ​ൾ​പ്പെ​ടു​ന്ന വ​ായ​നം​കുന്ന് ഉ​ന്ന​തി​യി​ൽ ആ​കെ ആ​റ് വീ​ടു​ക​ളി​ലാ​യി പ​തി​നൊ​ന്നോ​ളം കു​ടും​ബ​ങ്ങ​ളാ​ണ് താ​മ​സി​ക്കു​ന്ന​ത്. ഉ​ന്ന​തി​യി​ൽ വ​ർ​ഷ​ങ്ങ​ൾ​ക്ക് മു​മ്പ് നി​ർ​മി​ച്ച കോ​ൺ​ക്രീ​റ്റ് കെ​ട്ടി​ട​ങ്ങ​ൾ ത​ക​ർ​ച്ച ഭീ​ഷ​ണി​യി​ലാ​ണ്. പ​രാ​തി​യെ​ത്തു​ട​ർ​ന്ന് അ​ടു​ത്തി​ടെ ചി​ല വീ​ടു​ക​ൾ ഉ​ന്ന​തി​യി​ൽ നി​ർ​മി​ച്ച​ങ്കി​ലും തേ​പ്പ്, വൈ​ദ്യു​തീ​ക​ര​ണം എ​ന്നി​വ പൂ​ർ​ത്തി​യാ​വാ​തെ പാ​തി​വ​ഴി​യി​ൽ നി​ല​ച്ചു. ക​രാ​ർ എ​ടു​ത്ത​വ​രു​ടെ അ​നാ​സ്ഥ​യാ​ണ് ദു​രി​ത​ങ്ങ​ൾ ഇ​ര​ട്ടി​യാ​വ​ൻ കാ​ര​ണ​മെ​ന്ന് ഉ​ന്ന​തി​ക്കാ​ർ ആ​രോ​പി​ക്കു​ന്നു.

20 സെ​ന്റ് ഭൂ​മി മാ​ത്ര​മു​ള്ള വ​യ​നാം​കു​ന്ന് ഉ​ന്ന​തി​യി​ൽ വീ​ടു​ക​ൾ വെ​ക്കാ​ൻ സ്ഥ​ല ല​ഭ്യ​ത കു​റ​വാ​ണ് മ​റ്റൊ​രു പ്ര​ശ്നം. നി​ല​വി​ൽ കു​ടും​ബ​ങ്ങ​ളു​ടെ അം​ഗ​സം​ഖ്യ വ​ർ​ധി​ച്ച​തോ​ടെ വീ​ട്ടി​ൽ താ​മ​സി​ക്കാ​ൻ ക​ഴി​യാ​തെ വ​ലി​ച്ചു​കെ​ട്ടി​യ കൂ​ര​യി​ല്‍ ജീ​വി​തം ത​ള്ളി​നീ​ക്കു​ക​യാ​ണ് ചി​ല കു​ടും​ബ​ങ്ങ​ൾ. കാ​ല​പ്പ​ഴ​ക്ക​ത്താ​ല്‍ അ​പ​ക​ടാ​വ​സ്ഥ​യി​ലാ​യ വീ​ടു​ക​ൾ പൊ​ളി​ച്ചു മാ​റ്റ​ണ​മെ​ന്നാ​ണ് ഉ​ന്ന​തി​ക്കാ​ർ പ​റ​യു​ന്ന​ത്. ആ​വ​ശ്യാ​നു​സ​ര​ണം ശു​ദ്ധ​ജ​ലം ല​ഭി​ക്കാ​ത്ത​തും പ​ല​പ്പോ​ഴും കു​ടി​വെ​ള്ളം നി​ല​ക്കു​ന്ന​തും തൊ​ട്ട​ടു​ത്ത കു​ടി​വെ​ള്ള സ്രോ​ത​സ്സു​ക​ളെ ആ​ശ്ര​യി​ക്കേ​ണ്ട ഗ​തി​യാ​ണ്.

ശു​ചി​മു​റി​ക​ളു​ടെ അ​ഭാ​വം മൂ​ലം പു​റ​മ്പോ​ക്ക് ആ​ശ്ര​യി​ക്കേ​ണ്ടി വ​രു​ന്ന​താ​ണ് ഉ​ന്ന​തി​ക്കാ​ര​ൻ അ​നു​ഭ​വി​ക്കു​ന്ന വ​ലി​യ വെ​ല്ലു​വി​ളി. 2014-15 വ​ർ​ഷ​ത്തി​ൽ ല​ക്ഷ​ങ്ങ​ൾ മു​ട​ക്കി പൊ​തു ശു​ചി​മു​റി​ക​ൾ നി​ർ​മി​ച്ചു ന​ൽ​കി​യെ​ങ്കി​ലും ഒ​രു വ​ർ​ഷ​ത്തി​നി​പ്പു​റം ആ​ർ​ക്കും ഉ​പ​യോ​ഗി​ക്കാ​ൻ സാ​ധി​ച്ചി​ട്ടി​ല്ല. വാ​യ​നാം​കു​ന്ന് ഉ​ന്ന​തി​യി​ലെ അ​ടി​സ്ഥാ​ന പ്ര​ശ്ന​ങ്ങ​ൾ ക​ണ​ക്കി​ലെ​ടു​ത്ത് പ​ല​ർ​ക്കും പ​രാ​തി ന​ൽ​കി​യി​ട്ടും ഫ​ല​മി​ല്ല​ന്ന് ഇ​വ​ർ പ​റ​യു​ന്നു.