കടുവ ഭീതിയൊഴിഞ്ഞു ; മധുരം പങ്കിട്ട് പഞ്ചാരക്കൊല്ലി

മാ​ന​ന്ത​വാ​ടി: പ​ഞ്ചാ​ര​ക്കൊ​ല്ലി​ക്കാ​ർ​ക്ക് നാ​ളു​ക​ളാ​യി ഉ​റ​ക്ക​മി​ല്ലാ​യി​രു​ന്നു. സ്ത്രീ​യെ കൊ​ന്ന് ശ​രീ​ര​ഭാ​ഗം ഭ​ക്ഷി​ച്ച ക​ടു​വ അ​ടു​ത്തെ​വി​​ടെ​യോ ഉ​ണ്ടെ​ന്ന യാ​ഥാ​ർ​ഥ്യം അ​വ​രെ അ​ത്ര​മേ​ൽ ആ​ശ​ങ്ക​യി​ലാ​ക്കി​യി​രു​ന്നു. ക​ടു​വ​യെ ച​ത്തനി​ല​യി​ൽ ക​ണ്ടെ​ത്തി​യ​തോ​ടെ പ​ഞ്ചാ​ര​ക്കൊ​ല്ലി​ക്കാ​ർ​ക്ക് ഇ​നി ആ​ശ്വാ​സ​ത്തോ​ടെ ഉ​റ​ങ്ങാം. അ​വ​ർ വ​നം ജീ​വ​ന​ക്കാ​ർ​ക്കും മ​റ്റു​ള്ള​വ​ർ​ക്കും സ​ന്തോ​ഷ​ത്താ​ൽ മ​ധു​രം ന​ൽ​കി. വെ​ള്ളി​യാ​ഴ്ച രാ​വി​ലെ പ്ര​ദേ​ശ​വാ​സി​യാ​യ ത​റാ​ട്ട് രാ​ധ​യെ ക​ടു​വ ആ​ക്ര​മി​ച്ച് കൊ​ല​പ്പെ​ടു​ത്തി ഭ​ക്ഷി​ച്ച​ത് മു​ത​ൽ തി​ങ്ക​ളാ​ഴ്ച രാ​വി​ലെ വ​രെ പ​ഞ്ചാ​ര​ക്കൊ​ല്ലി, പി​ലാ​ക്കാ​വ് പ്ര​ദേ​ശ​വാ​സി​ക​ൾ ഭീ​തി​യി​ലാ​യി​രു​ന്നു. ശ​നി​യാ​ഴ്ച പ​ഞ്ചാ​ര​ക്കൊ​ല്ലി​യി​ലെ പ്ര​ദേ​ശ​വാ​സി​യാ​യ നൗ​ഫ​ലി​ന്റെ വീ​ടി​ന് പി​ന്നി​ൽ ക​ടു​വ​യെ ക​ണ്ട​താ​യി വാ​ർ​ത്ത പ​ര​ന്ന​തോ​ടെ ആ​ശ​ങ്ക വ​ർ​ധിച്ചു.

ഞാ​യ​റാ​ഴ്ച രാ​വി​ലെ ക​ടു​വ തെ​ര​ച്ചി​ലി​നി​ട​യി​ൽ ആ​ർ.​ആ​ർ.​ടി അം​​ഗ​ത്തി​നെ ക​ടു​വ ആ​ക്ര​മി​ച്ച​തോ​ടെ പ്ര​ദേ​ശ​ത്ത് ഭീ​തി ഇ​ര​ട്ടി​യാ​യി. ഏ​തു​നി​മി​ഷ​വും മു​ന്നി​ൽ പ്ര​ത്യ​ക്ഷ​പ്പെ​ടു​ന്ന ന​ര​ഭോ​ജി ക​ടു​വ​യെ ഭ​യ​ന്നി​രി​ക്കു​ക​യാ​യി​രു​ന്നു പ്ര​ദേ​ശ​വാ​സി​ക​ൾ. ക​ടു​വ​യെ പി​ടി​കൂ​ടാ​ൻ തി​ങ്ക​ൾ രാ​വി​ലെ മു​ത​ൽ 48 മ​ണി​ക്കൂ​ർ സ​മ​യ​ത്തേ​ക്ക് ക​ർ​ഫ്യു കൂ​ടി പ്ര​ഖ്യാ​പി​ച്ച​തോ​ടെ ഭ​യം ഏ​റി.

എ​ന്നാ​ൽ, തി​ങ്ക​ളാ​ഴ്ച രാ​വി​ലെത​ന്നെ ക​ടു​വ​യു​ടെ ജ​ഡം ക​ണ്ട വാ​ർ​ത്ത പ​ര​ന്ന​തോ​ടെ ക​ടു​വ​യു​ടെ ജ​ഡം കാ​ണാ​ൻ ആ​ളു​ക​ൾ കൂ​ട്ട​മാ​യെ​ത്തി. ക​ടു​വ ച​ത്തെ​ന്ന് ഉ​റ​പ്പി​ച്ച​തോ​ടെ ആ​ശ​ങ്ക ആ​ഹ്ലാ​ദ​ത്തി​ന് വ​ഴി​മാ​റി. നാ​ട്ടു​കാ​ർ ഒ​ന്ന​ട​ങ്കം പ്രി​യ​ദ​ർ​ശി​നി എ​സ്റ്റേ​റ്റ് ക​വാ​ട​ത്തി​നും, ബേ​സ് ക്യാ​മ്പി​നു സ​മീ​പ​ത്തും ത​ടി​ച്ച് കൂ​ടു​ക​യാ​യി​രു​ന്നു. ദി​വ​സ​ങ്ങ​ളാ​യി ത​ങ്ങ​ളു​ടെ ഉ​റ​ക്കം കെ​ടു​ത്തി​യ ക​ടു​വ​യെ കാ​ണാ​നും ചി​ത്ര​ങ്ങ​ൾ പ​ക​ർ​ത്താ​നു​മു​ള്ള തി​ര​ക്കി​ലാ​യി​രു​ന്നു. ത​ങ്ങ​ളു​ടെ ജീ​വ​ൻ ര​ക്ഷി​ച്ച വ​നം വ​കു​പ്പി​നും ആ​ർ.​ആ​ർ.​ടി സം​ഘ​ത്തി​നും പൊ​ലീ​സി​നും അ​ഭി​വാ​ദ്യ​മ​ർ​പ്പി​ച്ച് മു​ദ്ര​വാ​ക്യം മു​ഴ​ക്കു​ക​യും പ​ട​ക്കം പൊ​ട്ടി​ക്കു​ക​യും മി​ഠാ​യി വി​ത​ര​ണം ന​ട​ത്തു​ക​യും ചെ​യ്തു.