ആം​ബു​ല​ൻ​സി​ല്ല, കോ​ഴി​ക്കോ​ട്ടേ​ക്ക് റ​ഫ​ർ ചെ​യ്ത ആ​ദി​വാ​സി​ക​ൾ കാ​ത്തി​രു​ന്ന​ത് ആ​റ് മ​ണി​ക്കൂ​ർ

മാ​ന​ന്ത​വാ​ടി: ആം​ബു​ല​ൻ​സി​ല്ലാ​ത്ത​തി​നെ തു​ട​ർ​ന്ന് കോ​ഴി​ക്കോ​ട്ടേ​ക്ക് റ​ഫ​ർ ചെ​യ്ത ആ​ദി​വാ​സി വി​ഭാ​ഗ​ത്തി​ലെ രോ​ഗി​ക​ൾ കാ​ത്തി​രു​ന്ന​ത് ആ​റ് മ​ണി​ക്കൂ​ർ. വ​യ​നാ​ട് മെ​ഡി​ക്ക​ൽ കോ​ള​ജി​ൽ സ്ത്രീ​രോ​ഗ വി​ഭാ​ഗ​ത്തി​ൽ വെ​ള്ളി​യാ​ഴ്ച ചി​കി​ത്സ തേ​ടി​യെ​ത്തി​യ ര​ണ്ട് യു​വ​തി​ക​ളാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് റ​ഫ​ർ ചെ​യ്തി​ട്ടും ആം​ബു​ല​ൻ​സി​ല്ലാ​തെ മ​ണി​ക്കൂ​റു​ക​ൾ വാ​ഹ​ന​ത്തി​നാ​യി കാ​ത്തി​രു​ന്ന​ത്.

ആ​ദി​വാ​സി വി​ഭാ​ഗ​ത്തി​ലു​ള്ള​വ​രെ സ്വ​കാ​ര്യ ആം​ബു​ല​ൻ​സു​ക​ളി​ൽ കൊ​ണ്ട് പോ​യ​തി​ന്റെ കു​ടി​ശ്ശി​ക​യു​ള്ള​തി​നാ​ൽ സ്വ​കാ​ര്യ ആം​ബു​ല​ൻ​സു​ക​ളി​ൽ കൊ​ണ്ടു പോ​കാ​ൻ ത​യാ​റാ​കാ​ത്ത അ​വ​സ്ഥ​യി​ലു​മാ​ണ്. വി​വ​ര​മ​റി​ഞ്ഞ് സ്ഥ​ല​ത്തെ​ത്തി​യ യൂ​ത്ത് കോ​ൺ​ഗ്ര​സ് മ​ണ്ഡ​ലം പ്ര​സി​ഡ​ന്റ് അ​സീ​സ് വാ​ളാ​ടി​ന്റെ നേ​തൃ​ത്വ​ത്തി​ൽ പ്ര​വ​ർ​ത്ത​ക​ർ ആ​ശു​പ​ത്രി സൂ​പ്ര​ണ്ട്, ടി.​ഡി.​ഒ അ​ട​ക്ക​മു​ള്ള​വ​രു​മാ​യി ന​ട​ത്തി​യ ച​ർ​ച്ച​യെ തു​ട​ർ​ന്ന് ആം​ബു​ല​ൻ​സ് എ​ത്തി​ച്ചാ​ണ് രോ​ഗി​ക​ളെ കോ​ഴി​ക്കോ​ട്ടേ​ക്ക് കൊ​ണ്ടു​പോ​യ​ത്.

പ​ട്ടി​ക​ജാ​തി വർഗ മ​ന്ത്രി​യു​ടെ സ്വ​ന്തം മ​ണ്ഡ​ല​ത്തി​ലെ മെ​ഡി​ക്ക​ൽ കോ​ള​ജി​ലെ ശോ​ച്യാ​വ​സ്ഥ മൂ​ലം ആ​ദി​വാ​സി വി​ഭാ​ഗ​ത്തി​ലെ പ​ത്തോ​ളം രോ​ഗി​ക​ളെ​യാ​ണ് ദി​നം​പ്ര​തി കോ​ഴി​ക്കോ​ട്ടേ​ക്ക് റ​ഫ​ർ ചെ​യ്യു​ന്ന​ത്. നി​ത്യേ​ന രാ​വി​ലെ ആ​ദി​വാ​സി രോ​ഗി​ക​ളെ റ​ഫ​ർ ചെ​യ്യു​ന്ന​തി​നാ​ൽ രാ​ത്രി 12ന് ​ശേ​ഷം ആം​ബു​ല​ൻ​സ് ഇ​ല്ലാ​ത്ത അ​വ​സ്ഥ​യാ​ണ്.

ഹോ​സ്പി​റ്റ​ൽ പാ​ർ​ക്കി​ങ്ങി​ൽ സ്വ​കാ​ര്യ ആം​ബു​ല​ൻ​സു​ക​ൾ നി​ർ​ത്തി​യി​ടാ​ൻ സൗ​ക​ര്യം ഒ​രു​ക്കി​ക്കൊ​ടു​ത്ത​ത് ആ​ദി​വാ​സി രോ​ഗി​ക​ളെ കോ​ഴി​ക്കോ​ട്ടേ​ക്ക് റ​ഫ​ർ ചെ​യ്യു​മ്പോ​ൾ കൊ​ണ്ടു​പോ​കാം എ​ന്ന ഉ​റ​പ്പി​ന്മേ​ലാ​ണ്. എ​ന്നാ​ൽ ഇ​തി​ൽ മൂ​ന്ന് ആം​ബു​ല​ൻ​സു​ക​ൾ മാ​ത്ര​മാ​ണ് രോ​ഗി​ക​ളെ കൊ​ണ്ടു​പോ​കാ​ൻ ത​യാ​റാ​കു​ന്ന​തെ​ന്ന് യൂ​ത്ത് കോ​ൺ​ഗ്ര​സ് കു​റ്റ​പ്പെ​ടു​ത്തി.