എം.ബി.ബി.എസ് പ്രവേശനം; മെഡി.കോളജിൽ പരിശോധനയുമായി ദേശീയ കമീഷൻ

മാ​ന​ന്ത​വാ​ടി: വ​യ​നാ​ട് മെ​ഡി​ക്ക​ല്‍ കോ​ള​ജി​ന് അം​ഗീ​കാ​രം ല​ഭി​ക്കു​ന്ന​തു​മാ​യി ബ​ന്ധ​പ്പെ​ട്ട് ദേ​ശീ​യ ആ​രോ​ഗ്യ ക​മീ​ഷ​ൻ സം​ഘം മെ​ഡി​ക്ക​ല്‍ കോ​ള​ജി​ലെ​ത്തി പ​രി​ശോ​ധ​ന ന​ട​ത്തി. എം.​ബി.​ബി.​എ​സ് കോ​ഴ്‌​സി​ലേ​ക്ക് വി​ദ്യാ​ർ​ഥി​ക​ളെ പ്ര​വേ​ശി​പ്പി​ക്കാ​നാ​വ​ശ്യ​മാ​യ ഭൗ​തി​ക, സാ​ങ്കേ​തി​ക, അ​ടി​സ്ഥാ​ന സൗ​ക​ര്യ​ങ്ങ​ളാ​ണ് സം​ഘം വി​ല​യി​രു​ത്തി​യ​ത്.

തി​ങ്ക​ളാ​ഴ്ച രാ​വി​ലെ​യോ​ടെ​യാ​ണ് ഡോ. ​ക​മ​ല്‍ കു​മാ​ര്‍ അ​ഗ​ര്‍വാ​ളി​ന്റെ നേ​തൃ​ത്വ​ത്തി​ലു​ള്ള നാ​ലം​ഗ സം​ഘം ത്തി​യ​ത്. രാ​വി​ലെ​യെ​ത്തി​യ സം​ഘം ര​ണ്ടാ​യി പി​രി​ഞ്ഞാ​ണ് പ​രി​ശോ​ധ​ന​ക​ള്‍ പൂ​ര്‍ത്തി​യാ​ക്കി​യ​ത്. കെ​ട്ടി​ട​ങ്ങ​ള്‍ സം​ബ​ന്ധി​ച്ചും ഭൂ​മി സം​ബ​ന്ധി​ച്ചു​മു​ള്ള വി​വ​ര​ങ്ങ​ള്‍ സം​ഘം പ​രി​ശോ​ധി​ച്ചു. ര​ണ്ടു ദി​വ​സ​ത്തി​ന​കം പ​രി​ശോ​ധ​ന റി​പ്പോ​ര്‍ട്ട് ക​മീ​ഷ​ന്‍ മു​മ്പാ​കെ സ​മ​ര്‍പ്പി​ക്കും.

ഇ​തി​ന്റെ അ​ടി​സ്ഥാ​ന​ത്തി​ലാ​യി​രി​ക്കും വ​യ​നാ​ട് മെ​ഡി​ക്ക​ല്‍ കോ​ള​ജി​ന്റെ അ​ഫ​ലി​യേ​ഷ​ന്‍ സം​ബ​ന്ധി​ച്ച് തീ​രു​മാ​ന​മു​ണ്ടാ​വു​ക. 2023ല്‍ ​സം​ഘം പ​രി​ശോ​ധ​ന ന​ട​ത്തി​യ​തി​ല്‍ മ​തി​യാ​യ അ​ടി​സ്ഥാ​ന​സൗ​ക​ര്യ​ങ്ങ​ളി​ല്ലെ​ന്ന റി​പ്പോ​ര്‍ട്ട് പ്ര​കാ​രം അം​ഗീ​കാ​ര​ത്തി​നാ​യു​ള്ള അ​പേ​ക്ഷ നി​ര​സി​ക്കു​ക​യാ​യി​രു​ന്നു.

അ​ന്ന് 100 സീ​റ്റി​നു​ള്ള അ​പേ​ക്ഷ​യാ​യി​രു​ന്നു ന​ല്‍കി​യ​ത്. എ​ന്നാ​ല്‍, ഇ​പ്പോ​ള്‍ 50 മെ​ഡി​ക്ക​ല്‍ സീ​റ്റി​നു​ള്ള അ​പേ​ക്ഷ​യാ​ണ് ന​ല്‍കി​യി​രി​ക്കു​ന്ന​ത്. ഡോ. ​ര​വി കി​ര​ണ്‍ കി​ഷ​ന്‍, ഡോ. ​ജെ.​എ​സ്. താ​ക്കൂ​ര്‍, ഡോ. ​ദി​നേ​ഷ് സി​ങ് റ​ത്തോ​ര്‍ എ​ന്നി​വ​രാ​ണ് സം​ഘ​ത്തി​ലെ മ​റ്റം​ഗ​ങ്ങ​ള്‍.

വ​യ​നാ​ട് അ​സി. ക​ല​ക്ട​ർ പി.​പി. അ​ർ​ച്ച​ന, ഡ​യ​റ​ക്ട​ര്‍ ഓ​ഫ് മെ​ഡി​ക്ക​ല്‍ എ​ജ്യു​ക്കേ​ഷ​ന്‍ കെ.​വി. വി​ശ്വ​നാ​ഥ​ന്‍, മെ​ഡി​ക്ക​ല്‍ കോ​ള​ജ് വ​കു​പ്പ് മേ​ധാ​വി​ക​ള്‍ തു​ട​ങ്ങി​യ​വ​ര്‍ സം​ഘ​ത്തി​നാ​വ​ശ്യ​മാ​യ വി​വ​ര​ങ്ങ​ള്‍ കൈ​മാ​റി. രാ​ത്രി​യി​ലും പ​രി​ശോ​ധ​ന തു​ട​ർ​ന്നു.